Luke 1:76 - Syin Chin Bible

⁷⁶ Nang, ka tapa, a Saang Bel Pathian kamsaangpa hi hong kici tu hi. Nang in Topa mai ah na paikhol tu a, a lampi na sialsak khol tu hi.

Luke 1:76 Iomraidhean Croise

Psalm Late 87:5

Zion taw kisai in, hi minam theampo sia ama ii neisa hi a, Vaanglianbelpa in ama sia a tha khosak tu hi, kici tu hi.

Malachi 3:1

Vaanglianbelpa Topa in, “Ka lampi a sialkhol tu in ka kamtaipa ka paisak tu hi. Tua zawkciang na zon uh Topa zongh ama Biakinnpi sungah thakhat thu in hong pai tu hi. Mu tu kaal na ngalaak uh kamtaipa hong pai in, ka thuciamna thangsak tu hi,” ci in zo hi.

Malachi 4:5

“Ahihang a lauhuai le a lian Topa ni hong thet ma in kamsaangpa Elijah kong paisak tu hi.

Matthew 14:5

Herod in ama thatlum nuam ahihang, Jew mite kiita hi, banghang ziam cile Jew mite in John sia kamsaang khat hi ci in ngaisun uh hi.

Matthew 21:26

“Ahihang ‘mihing tung pan’ ci thong leang, mipite kiitakhuai hi, banghang ziam cile amate theampo in John sia kamsaang khat hi ci in saang hi,” ci uh hi.

Matthew 3:11

Na kisii kikna uh a kitel natu in tui kong phum hi, ahihang kei nung pan hong pai lai tu pa in no sia Thaa Thiangtho le meikuang taw hong baptize tu hi. Kei sangin ama lian zaw pek a, a peangdap toai tu zonghin ka kilawm bua hi.

Matthew 3:3

Kamsaangpa Isaiah kammal sia John huvau a sonkholna hi a, “Sennealngam sungah mihing khat hong taangko a, ‘Topa atu in lampi pua khol vun; Ama ii khualhaw natu in lamzin tang khat vawtsak vun!’ ” ci hi.

Mark 11:32

Ahihang ‘Mihing tung pan hi’ ci leang…’ ” ( Amate in mipite kiita hi, banghang ziam cile John sia a kuama po in kamsaang khat hi ci in um tek uh hi.)

Luke 1:32

Ama hong thupi tu a, a Saang Bel Pathian ii Tapa kici tu hi. Topa Pathian in a taanghpupi David bangma in kumpipa suaksak tu hi.

Luke 1:35

Vantunglalang in, “Nang tungah Thaa Thiangtho hong om tu a, Pathian ii vaangletna in nang hong uap tu hi. Hi thu hu in, patang thiangtho sia Pathian Tapa kici tu hi.

Luke 6:35

Tuabang hi ngawl hi! Na ngalte it vun, amate tungah thupha vawt vun; sum pukthaak tavun a lo kik tu na thangai heak vun. Tua hile no in thaman lian khat na nga tu uh a, a Saang Bel Pathian ii tate na suak tu uh hi, banghang ziam cile ama sia lungdamna a he thei ngawlte le mihing ngilote tungah thuthiam hi.

John 1:23

Isaiah kamsaangpa ii sonna teng doppha in, John in hi bangin zo hi: “Kei sia ‘Sennealngam sungah a au khat ii aw ka hi hi: Topa ii khualhaw natu lampi tangsak vun!’ ”

John 1:27

Ama sia kei nung panin hong pai ahihang ama peangdap suut tu zong ka kilawm bua hi,” ci in John in zo hi.

John 3:28

‘Kei Messiah hi ngawl khi hi, ahihang ama mai ah, kei hong kipaisak khol hi’ ka ci ciang noma tatak ma keima ii tetti te na hi uh hi,

Sawltakte 16:17

Ama in Paul le ko hong zui a, “Hi mite in A saangbel Pathian naseamte hi! Note bangbangin kingum thei tu ci thu amate in hong thangsak hi!” ci in au hi.