Luke 1:73 - Syin Chin Bible

^73-74 Ih taanghpupi Abraham tungah a ciliap huai kamciam taw ih ngalte khut sung panin hong hut zawk natu le ngammuangin ama ii na seam tu in hong kamciam zo hi.

Luke 1:73 Iomraidhean Croise

Pianciilna 24:7

Vantung Pathian, Topa in ka pa inn pan le ka beete ngam pan hong paipui a, ama in ka suan ka paalte tungah hi ngam kong pia tu hi, ci in ciliaphuai takin kamciam hong pia hi. Tualai ah ka tapa atu zi khat na nga thei natu in ama in na mai ah ama ii vantunglalang sia sawl tu hi.

Pianciilna 26:3

Hi lai ah teang in, nang taw kong omkhawm tu a, thupha kong pia tu hi. Nang le na suan na paalte tungah hi ngam theampo kong pia tu hi. Na pa Abraham tungah ka kamciam ka kholet tu hi.

Psalm Late 105:9

Abraham taw a vawt thukimna sia le Isaac tungah a kamciam sia ama in kipsak tu hi.

Jeremiah 11:5

Tuabangin ahi uh le tu a amate ii neisa ngamhoi ngampha sia kong pia tu hi ci a, a taanghpupite tungah ka piak kamciam sia keima in ka taangtungsak tu hi,” hong ci hi. Keima in, “Hi hi, Topa awng,” ka ci hi.

Thuhil kikna 7:12

“Hi thupiakte ngai in, thumaan takin na zui uh le, na taanghpupite tungah a kamciam bangin Topa na Pathian in noma taw a thuciamna keam suak tu a, a itna kip hong lak tu hi.

Thuhil kikna 7:8

Ahizong Topa in note hong it a, na taanghpupite tungah a kamciam taangtungsak nuam hi. Tua ahikom ama in note a thahatna lian taw hong hun a, Egypt kumpipa sila panin hong suaktasak hi.

Hebrew te 6:13

Pathian in Abraham tungah kamciam a piak ciangin, a kamciam teng a taangtun natu ama in kiciamna vawt hi. Ama sangin a lianzaw om nawn ngawl ahikom, ama ii min taw kiciam hi.