Luke 1:72 - Syin Chin Bible

⁷² Ama in ih taanghpupite tungah hesuakna hong lak tu in, hong ciam zo a, ama thuciam thiangtho phawk kik tu in hong khaam zo hi.

Luke 1:72 Iomraidhean Croise

Pianciilna 12:3

Nangma thupha hong piate thupha ka pia tu a, Ahihang nangma hong haamsiatte ka haamsiat tu hi. Nang tungtawnin minam theampo thupha ka pia tu hi,” ci hi.

Pianciilna 22:18

Nangma suan le paalte tungah thupha ka piak bangin minam theampo in thupha ka piak tu hong ngen tu uh hi — tu teng sia nangma in ka thupiak na nit hang ahi hi,” ci hi.

Pianciilna 26:4

Na suan na paalte van ah aksi za in, ka tamsak tu a, amate tungah hi ngam theampo ka pia tu hi. Na suan na paalte thupha ka piak bangin leitung minam theampo in thupha ka piak natu kei tungah hong ngen tu uh hi.

Pianciilna 28:14

Amate leitung ah leivui za in tam tu hi. Amate in mun theampo ah ngamkeak tu uh a, nang le na suan na paalte tungtawnin minamte theampo thupha ka pia tu hi.

1 Khangtaanghthu 16:16

Abraham taw a vawt thuciamna, Isaac tungah a kamciamna mangil ngei heak vun.

Psalm Late 105:42

A naseampa Abraham tungah a kamciam thiangtho a piak teng ama in ciamtee hi.

Psalm Late 106:45

Amate atu in a thuciamna phawk a, ama ii itna lianpi hu in amate maisak hi.

Psalm Late 111:5

Ama a zaktate atu in ama in an pia hi; ama ii thuciam a mangil ngei bua hi.

Psalm Late 98:3

Ama in Israel te tungah a kamciam sia thumaanna le itna kip taw kholet hi. Mun theampo ah a om mihingte in ih Pathian ii zawna mu zo uh hi.

Ezekiel 16:60

Ahihang na khanmoi lai in kong thuciamna ka kholet a, tuaciang a tawntung a kip tu thuciamna khat nang taw ka vawt tu hi.

Ezekiel 16:8

“Nang kaantanin kong pai kik ciang, ngual taw a kidei thei tu na hi hun hong theng zo na hi sia kong mu hi. Na pumnguaktang sia ka laktong puasilh taw kong khu a, itna kamciam kong pia hi. Hi hi, nangma taw kiteenna thuciam kong pia a, nang sia keima aa na suak hi,” ci hi. Hisia Vaanglianpipa Topa son teng ahi hi.

Thiampite 26:42

Jacob, Isaac, le Abraham taw ka thuciamna ka phawk kik tu a, ka mite Canaan ngam piak tu in ka kamciamna ka thaksua kik tu hi.

Micah 7:20

Taanghlai koma ii taanghpupite tungah na kamciam bangin Abraham le Jacob ii suan le paal na mite tungah na thumaanna le tatsat ngawl na itna na lak tu hi.

Romete 11:28

Jew te in Lungdamna Thupha a nial uh hu in no Gentile te phattuam natu in Pathian ngalte suak uh hi. Ahihang Pathian tealna hangin a pute a pate hu in amate in, Pathian ii lawmte ahi uh hi.

Romete 9:4

Amate in Pathian ii mihingte hi uh a; ama in amate sia a tapate suaksak in, a minthanna kilanghsak hi; amate taw kamciamna vawtin Thukham pia hi; amate in a maan biakpiakna nei uh hi; amate in Pathian kamciam saang uh hi.