Luke 1:71 - Syin Chin Bible

⁷¹ ih ngalte le hong ensante theampo ii thahatna pan hong hun tu in hong kamciam zo hi.

Luke 1:71 Iomraidhean Croise

2 Kumpite 17:39

Keima Topa, na Pathian ii thu nong ni tu uh a, tuasia ciang, na ngalte kung pan kong suatak tu hi,” ci in thupia hi,

Psalm Late 106:10

A ensante khut sung panin amate hun hi; a ngalte khut sung panin amate suatak hi.

Psalm Late 106:47

Topa kote Pathian awng, hong hun ta'n, nang tungah lungdam kong ko thei natu le na min thiangtho kong pok thei natu in, minam tuatuamte sung panin, hong kaikhawm kik ta'n.

Jeremiah 23:6

Ama kumpi a sua ciang, Judah mite ngam muang tu a, Israel mite kilemna taw thinnuamin om tu uh hi. Ama sia ‘Topa, Eite Ngupna’ “Jehovah Tsidkenu” kici tu hi.

Jeremiah 32:37

Ka thin uuk, ka thinsona taw in ka thethaangna ngamte theampo pan mihingte ka kaikhawm tu hi, hi munah ka ciapui kik tu a, ngam muang in ka teangsak tu hi.

Ezekiel 28:26

Tua munah amate sia ngam muangin teang tu uh hi. Amate in inn sa in sapithuan vawt tu uh hi. Amate a zawnsak vawt a ngampaamte theampo sia daan ka pia tu a, Israel te sia ngam muangin om tu uh hi. Tuasia ciang amate in, Kei sia Topa, a Pathian ka hi sia hong he tu uh hi,” ci hi.

Ezekiel 34:25

Amate thin muang hiithiat in a om natu in amate taw thuciamna khat ka vawt tu hi. Nganhing a kiitakhuaite theampo a ngamsung pan ka heam tu hi, tuasia in ka tuute ngammuang takin lote sungah nungta in, taam sungah a mut thei natu uh ahi hi.

Ezekiel 34:28

Pathian he ngawl minamte in amate ii neisate suttol nawn ngawl tu a, ngamsate in ne lum ngawl tu hi. Amate ngam muang takin teang tu a, kuama in lauthawn ngawl tu hi.

Ezekiel 38:8

Kum tam mama zawkciang, ngam theampo pan a cia kik, ngal muang sa in a om mihingte teenna ngam sim tu in ama ka sawl tu hi. Ama in ngei mama a kinusia sa hi a, ngamtongta ahihang tu in mihingte theampo ngammuang takin a teenna mun Israel mualte sim tu hi.

Luke 1:68

“Israel te ii Pathian Topa pok tek tawng! Ama in a mite hun tu in hong pai a, suaktasak hi.

Thuhil kikna 33:29

Israel awng, bangza in lungdam nu ziam! Topa ii a ngup note taw kibang minam khat zongh om ngawl hi. Topa ama mama na lum le na namsau hi a, note hong dal tu le zawna hong pia tu ahi hi. Na ngalte in hesuak ngenin hong pai tu a, tuaciang amate na tuanhcil tu uh hi.

1 John 3:8

A kuama po mawna vawt a zom suakte sia Doaimangpa ii neisa ahi hi, banghang ziam cile a kipat pan ma, Doaimangpa in mawna vawt zo hi. Tua hang ma in Doaimangpa ngamtatna teng a susia tu tatak ma in Pathian Tapa hong kilangh hi.