Luke 1:67 - Syin Chin Bible

⁶⁷ John ii pa Zechariah Thaa Thiangtho taw kidim a, tuaciang ama in Pathian kam a saan teng son a:

Luke 1:67 Iomraidhean Croise

2 Samuel 23:2

Topa ii thaa in kei tungtawnin pau hi; ama ii thu puak sia ka muk tungah om hi.

Joel 2:28

“Tuasia zawkciang a kuama po tungah ka Thaa ka buak tu a: na tapate le tanute in ka thu thangsak tu uh hi; na khanghaamte in mang man tu uh a, na khangnote in mukholna mu tu uh hi.

Mi Simna 11:25

Tuaciang Topa meei sungah tuaksuk in Moses paupui hi. Ama in Moses tungah a piaksa thaa pawlkhat la in, lampui 70 te tungah pia hi. Amate tungah tua thaa a pai ciang kamsaangte bangin amate au uh a, ahizong khuangei au ngawl uh hi.

Luke 1:15

Ama Topa muna ah mi thupi khat hong hi tu hi. Ama in sapittui le zu ne ngawlin a om kul tu hi. A nu ngilsung pan kipan ama Thaa Thiangtho taw kidim tu hi.

Luke 1:41

Mary biapuina aw a zaak ciangin Elizabeth sung a om nauno lungdam in kisaan hi. Elizabeth Thaa Thiangtho taw kidim a,

Sawltakte 2:4

Amate sia Thaa Thiangtho taw kidim uh a, Thaa ii a pausak bangin, kampau dangte taw pau uh hi.

Sawltakte 2:8

Tua hikasap amate pau sia, eima kam tek taw ih zaak sia bangbang ziam?

Sawltakte 9:17

Tua ahikom Ananias pai a, Saul tunna inn sungah tum in, a tungah a khut nga hi. “Suapui Saul awng, hi sungah nong pai lai in, lampi ah nang tungah hong kilak — ih Topa Jesus in, khua na mu thei kik natu le Thaa Thiangtho taw na kidim natu in nang kungah kei hong paisak hi,” ci hi.

2 Peter 1:21

Banghang ziam cile kamsaanna thute sia mihing deina pan bek hong pai ngeingawl a, ahihang Pathian kung pan hong pai thute a son uh ciangin, mihingte sia Thaa Thiangtho ukna nuai ah a om ahi uh hi.