Luke 1:51 - Syin Chin Bible

⁵¹ A thahatna baan hong vaan a, a kiphasakte le tuabang mihingte tupnate mangtatamsak hi.

Luke 1:51 Iomraidhean Croise

Pianciilna 11:8

Tua ahiciang Topa in amate leitung mun theampo ah kithethaangsak hi, tuaciang amate in a khuapi saat tawlnga hi.

Pianciilna 6:5

Leitung ah mihing theampo bangzata seksol a, khua ngaisut a sia bebek a nei tawntungna thu Topa in a mu ciang,

Pianciilna 8:21

Topa sia biakpiakna ngimnamtui in lungdamsak hi, tuaciang a thinsung ah, “Mihing ngamtatna hangin leitung ka haamsiat kik ngei buatu hi; a no lai pan a khuangaisutnate a siat hunlam ka he hi. Tu a ka vawt bangin nuntakna nei theampo ka mon kik ngei buatu hi.

Psalm Late 118:15

Pathian mite tuipuan bukte sungah zawna lungdamna taw a auna ngai vun: “Topa vaanglet thahatna in tu a bang a suaksak hi!

Psalm Late 33:10

Topa in minam tuatuamte ii tupnate nawngkaisak a, amate ii ngealnate a vawt suak zawk ngawl natu in khak hi.

Psalm Late 52:9

Pathian awng, na sepsa nate hu in lungdam kong ko tawntung tu hi; na mite omna munah nang sia a pha na hi hunlam ka thangsak tu hi.

Psalm Late 63:5

Ka thaa in kibuailamna an ne in lungkim tu a, pokna lungdamna late nang kong sak tu hi.

Psalm Late 89:10

Nganhingpui Rahab sia na sucip a, na thatlum hi; Na thahatna lianpi taw na ngalte na zothal hi.

Psalm Late 89:13

Bangza in na vaanglian ziam! Bangza in na thahatna lian ziam!

Psalm Late 98:1

Topa tungah la thak khat sa vun; ama in nalamdangte vawt zo hi! ama ii neisa vaangletna le a thiangtho thahatna taw ama in zawna nga zo hi.

Pusuana 18:11

Topa sia pathian theampo sangin a let zawkna tu in ka he hi, banghang ziam cile Egypt te in Israel te tua bang a zawnsak vawt ciang Topa in hi bang seam hi,” ci hi.

Isaiah 40:10

Vaanglianpipa Topa sia vaangletna taw uk tu in hong pai a, ama ii a suatak sa mite hong tonpui tu hi.

Isaiah 51:9

Khanglo in, Topa awng, ko hong hu ta'n! Na vaangletna zanghin ko hong ngum ta'n; taanghlai hun a na zak ngei bangma in zangh in. Tuipi ngulpui Rahab saatin a neensem pa sia nangma na hi hi.

Isaiah 52:10

Topa in ama ii a thiangtho vaangletna zangh tu hi; ama in a mite ngum tu a, leitung theampo in mu tu uh hi.

Isaiah 63:12

Ama minthan tawntung natu in Moses tungtawnin a vaangletna taw na lian a seam pa, tuipi tuite khen a, tuithuk kaantan in a mite lam a pui pa Topa koi sungah om ziam?” ci in dongh uh hi. Topa in lampui a, amate sia ngam siphu bangin a peang sina kho mama a, lutu ngeingawl hi.

Jeremiah 49:15

Topa in nang hong thazawmsak tu a, kuama in nang hong zakta ngawl tu hi.

Daniel 4:37

“Tu in keima Nebuchadnezzar in Vantung Kumpipa pok in, zatakna pia in, a min ka thangsak hi. Ama ii a sep a vawt theampo a maan le a thutang hi a, ama in kiphasak a, a ngamta pawpo kiniamkhiaksak thei hi,” ci hi.

Romete 1:21

Amate in Pathian he ahihang a upat tu bangin upat ngawl uh a, ama tungah lungdam a ko tu bangin ko ngawl uh hi. Amate khua ngaisutna mannung mama ngawl a, amate thinsung hawmin, khuazing taw kidim hi.

2 Corinth te 10:5

Pathian thu heak natu hong nokkhaksak thei kiphatsakna teng ka sumit uh hi; ngaisutna a minpiang sia man in ka khumcip uh a, Christ ii thu ka nisak uh hi.

Thuhil kikna 4:34

Topa na Pathian in Egypt ah note atu hong vawtsak bangin pathian khat pawpo in minam dangte khut sung pan la in ama mi sua ngam ngei na ziam? Ama in note mitmu in a hatna le a vaangletna hong kilanghsak a; natna le ngal thengsakin, nalamdang laknate le a lamdangte vawt a, a lauhuai nate piangsak hi.

1 Peter 5:5

Tuasia bangma in no khangmoizawte zongh, khanghaamzawte thu na ni vun. Tuaciangin note theampo khat le khat, na na kisepsak thei natu in, kiniam khiakna awmdal sia puan bangin silh tavun; banghang ziam cile, laithiangtho in, “Pathian in a kiphasakte nalh a, a kiniamkhiakte tungah maipha pia hi,” ci hi.

Thupualaakna 18:8

Hisia hu in ni khat ni ciang ama in ngimna liante ahi — natna, heena, kial tunna, thuak tu hi. Ama thu a khen Topa Pathian sia thahat ahikom, ama sia mei taw kihal tu hi.”