Luke 1:48 - Syin Chin Bible

⁴⁸ Banghang ziam cile ama in kei a kithusim ngawl a naseamnu hong phawk hi. Tu a kipan mihingte in, thupha saang nu hi hong ci tu hi.

Luke 1:48 Iomraidhean Croise

Pianciilna 30:13

Leah in, “Bangza in ka lungdam ziam! Tu in, numeite in a lungdam nu hong ci tu hi,” ci a, tua ahiciang a min Asher phuak hi.

2 Samuel 7:8

“Tua ahikom ka naseampa David munah na son in a, Kei, Vaanglianbelpa Topa in, ‘Lo sungah tuu cingin na omna panin nang kong la a, Israel ka mite a uk pa kong suaksak hi.

Psalm Late 102:17

A kitaisan sa a mite thungetna ama in ngai tu a, za tu hi.

Psalm Late 136:23

Ngal ih lel ciangin ama in hong mangil ngawl hi; ama ii itna kip tawntung hi.

Psalm Late 138:6

Nang sia tungsang ah, saang mama na hihang, a kiniamkhiakte na khoi a, a kiphasakte sia nang kung panin a buu thei bua hi.

Psalm Late 72:17

Kumpipa min kimangil ngei heak hen a; ni a taan laiteng ama minthang tahen. Kumpipa tungah ama in thupha a piak bangin minam tuatuamte in Pathian tungah thupha ngen tahen.

Isaiah 66:2

Keima mama in vaannuai buppi ka bitphua hi! Kiniamkhiakin a kisiik kikte, kei hong kiita in ka thu hong nite dik ka sa hi.

Malachi 3:12

Tuaciang, na ngam na lei uh sia a teen nophuai mun le ngam pha suak tu ahikom minamte theampo in mi lungdamte hong ci tu uh hi.

Luke 1:28

Vantunglalang in ama kungah pai in, “Thinnopna na nga ta in! Topa sia nang taw hong omkhawm a, nasia takin thupha hong pia hi!” ci hi.

Luke 1:42

aw nging tak taw hi bangin ci hi. “Nang sia numei a minpiang thupha a saangbel nu na hi hi, na hin tu nauno in, thupha nga tahen!

Luke 1:45

Topa ii hong thupuakte hong piang tatak tu ci a, na up thei hu in, bangza ta in mi lungdam na hi ziam!” ci hi.

Luke 1:49

Banghang ziam cile Vaanglian Pathian in kei tungah nasep lian hong sep hu ahi hi. Ama min thiangtho hi;

Luke 11:27

Jesus in hi teng a ci zawkciang, mihonpi sung panin numei khat in, “Nang hong hing a noaitui hong pia numei in, bangza in thupha nga ziam!” ci hi.

1 Samuel 1:11

Hannah in a ciliap huai kamciam khat pia hi: Vaanglianbelpa “Topa awng, na naseamnu hong en ta'n! Ka ngimna hong en ta'n a, hong phawk ta'n! Hong mangil heak in! Tapa khat nong pia le, ama nuntakna buppi nang tungah tuam aap tu in kong kamciam hi, ama in a sam meet ngeingawl tu hi,” ci hi.

1 Samuel 2:8

Ama in mizawngte leivui panin laamto a, a kitasamhte a lungmanna panin phongto hi. Amate sia kumpipa tapate taw kithawlsakin, ki upat vawtna munah koi hi. Simlei ii phungkawng sia Topa aa hi; tuate ii tungah ama in leitung sato hi.