Luke 1:46 - Syin Chin Bible

⁴⁶ Mary in, “Ka thin ka lung in Topa pok hi;

Luke 1:46 Iomraidhean Croise

Psalm Late 35:9

Tuasia ciangin keima in Topa hangin ka lungdam tu hi; banghang ziam cile ama in hong hun hi.

Isaiah 45:25

Topa, keima in, Jacob ii suan le paalte theampo ka suatak tu a, amate in kei hong pok tu uh hi.

Isaiah 61:10

Topa sepna hangin Jerusalem lungdam hi. Jerusalem sia mothak khat pasal a nei ni in a kizeam bang ahi hi. Pathian in ama sia ngupna le ngalzawna taw tuam zo hi.

Romete 5:11

Ahihang tua teng bek hi ngawl hi; Pathian lawmte hong suaksak Topa Jesus Christ tungtawn a Pathian sepna tungah ih lungdam hi.

1 Corinth te 1:31

Tua ahiciangin laithiangtho in, “A kisuangtaak nuamte in, Topa vawtsate tungah a kisuangtaak kul tu hi,” a ci bangma ahi hi.

2 Corinth te 2:14

Ahihang Pathian tungah lungdamnate kiko tahen! Banghang ziam cile Christ taw kipumkhatna hu in, Pathian in Christ ii ngalzawna sungah a mat sate bangin Pathian in eite lam hong pui tawntung hi. Christ thu heakna sia mun theampo ah paaknamtui bangin a kizel natu in Pathian in eite hong zangh hi.

Philippi te 3:3

A maan vunteap atna a neite sia amate hi ngawl a, eima ih hi zaw hi, banghang ziam cile eite in Pathian sia ama Thaa taw ih bia a, Christ Jesus taw pumkhat a ih nuntakna sung ah, a lawpte ih hi hi. A puatham cii le sa limte tungtaang ah eite in muanna ih nei bua hi.

Philippi te 4:4

Topa taw pumkhat na hi hu in, a tawntung lungdam tavun. Kong ci kik hi: na lungdam tavun!

1 Thessalonica te 5:23

Eite thinnopna hong pia Pathian in note a nanam in hong thiangthosak tahen, na nuntakna buppi - na thaa, na thinsung le na pumpi — hong keam tahen, Topa Jesus Christ hong pai ciangin sepkhial vawtkhial theampo taw hong kipealsak tahen.

1 Peter 1:8

Ama mu ngeingawl na hi uh hang na it uh a, tu zongh in ama mu ngawl na hi uh hang na um uh hi. Tua ahikomin, kam taw a kison zo ngawl dongin lungdamna lianpi taw nasia takin na lawp uh hi,