Luke 1:15 - Syin Chin Bible

¹⁵ Ama Topa muna ah mi thupi khat hong hi tu hi. Ama in sapittui le zu ne ngawlin a om kul tu hi. A nu ngilsung pan kipan ama Thaa Thiangtho taw kidim tu hi.

Luke 1:15 Iomraidhean Croise

Pianciilna 12:2

Suan le paal tam mama kong pia tu a, amate minam lian khat suak tu uh hi. Nang sia thupha naak na hi natu in, thupha kong pia tu a, na min kong thangsak tu hi.

Pianciilna 48:19

A pa in nial a, “He khi hi, ka tapa awng, he khi hi. Manasseh ii suan le paalte zongh minam lian khat suak veve tu hi. Ahizong a naupa in ama sang in lian zaw tu a, ama suan le paalte minam liante suak tu hi,” ci hi.

1 Khangtaanghthu 17:8

Na paina theampo ah kong ompui a, na mai ah na ngal theampo kong zawsak hi. Leitung ah lampui lianbelte bangin na min kong thangsak tu hi.

1 Khangtaanghthu 29:12

Hauna le nei le lamh theampo nangma kung pan hong pai hi a; na vaangletna le na thahatna taw na theampo na uk hi; tuaciang kuama po a lian le a thahat na suaksak thei hi.

Psalm Late 22:9

Bit tak a hong piangsak sia nangma na hi a, tuaciang nausen ka hi lai in nong keamcing hi.

Jeremiah 1:5

“Nuntakna kong piak ma in kong tealtuam zo a, na nu sung pan na sua ma in minamte tungah kamsaang khat tu in kong teal hi,” hong ci hi.

Jeremiah 35:6

Ahihang amate in, “Sapittui ne ngawl khu hi. Ka taanghpupi uh Rechab ii tapa Jonadab in eima ih hizong ih suan ih paalte ahizong sapittui peuma ih ne ngei buahet tu hi hong ci hi.

Thiampite 10:9

“Nangma le na tapate sapittui ahibuale beer na neak zawk uh ciang kong ompuina Puanbuk sungah tum ngawl tu nu hi; na tum uh le thi tu nu hi. Hi thukham na suan na paalte theampo ii zui tu ahi hi.

Zechariah 9:15

Vaanglianbelpa Topa in a mite sungsia tu hi, tuaciang amate in a ngalte susia tu uh hi. Amate sia ngal kisimna sungah zukhamte bangin au in, a ngalte chisan luangsak tu uh hi; tua chisan sia biaknatau tungah beal sung pan a kisung sangaw biakpiakna khat ii chi bangin luang tu hi.

Luke 1:14

Bangza ta in na lungdam in na thinnuam tu ziam? Midang tam mamate zongh ama hong sua ciangin, bangzata in lungdam tu ziam!

Luke 7:28

Jesus in, “A tatakin ka ci ciang John sia mihing a, a minpiang khat pawpo sangin, lianzaw hi. Ahihang Pathian Ngam sungah a nobel pa in, John sangin lianzaw hi,” ci in belap hi.

Luke 7:33

Tuiphumpa John hong pai in, ama in an tang a, sapittui ne ngawlin a om ciangin ‘doaivei hi!’ ci nu hi.

John 5:35

John sia meiinn taw kibang a, kuangin taang hi, tuaciangin tawmvei sung teng ama ii khuavak sia na leaplaw nuam uh hi.

Sawltakte 2:4

Amate sia Thaa Thiangtho taw kidim uh a, Thaa ii a pausak bangin, kampau dangte taw pau uh hi.

Galatia te 1:15

Ahihang, Pathian in ka pian ma ngawngawnin a thuthiamna taw hong teal a, ama ii na a seam tu in hong sam hi. Ama ii a khensat hun hong cing a,

Ephesus te 5:18

No hong lalsak thei, sapittui na kham heak vun: Thaa taw na kidim zaw tavun.

Joshua 3:7

Topa in Joshua munah, “Tu ni a ka sep tu sia nangma sia mihing thupi mama khat in Israel theampo ii hong zatak vawt tu a kipatna hi tu a, Moses ka ompui bangin nang zongh kong ompui hunlam amate in hong tel tu uh hi.

Joshua 4:14

Topa ii tua ni a sep a vawt teng in Joshua sia Israel te ngaisutna ah mihing thupi mama khat suaksak hi. Amate ii Moses a zatak vawt uh bangma, ama zongh a khan tawntungin zatak vawt uh hi.