Luke 1:1 - Syin Chin Bible

¹ Ka it Theophilus awng: Mihing tam mama in eite sungah thupiangte amate ii thiam thei za tekin at zo uh hi.

Luke 1:1 Iomraidhean Croise

Mark 16:20

Nungzuite mun theampo ah pai in, thuhil uh hi, tuaciang Topa in amate taw naseam khawm a, amate thuhilnate sia maan hi ci in a kilak natu in, nalamdang laknate vawtsak thei hi.]

John 20:31

Ahihang hite hong ki atna sia Jesus in Pathian Tapa Messiah a hina thu, na up natu uh le ama na upna uh tungtawnin, nuntakna na nga thei natu uh ahi hi.

Romete 14:5

Mihing khat in ni tuam khat sia a dang nite sangin thupi zaw in ngaisun hi, tua laitakin mihing dang khat in ni theampo a kibangin ngaisun hi. Amate khat simin a thinsung uh khensat tahen.

Romete 4:21

Ama ii a thinsung tawngh pan a upna sia, Pathian in kamciam a piak bangin tungsak tu hi ci in um hi.

Colossae te 2:2

Hi bang ka ngamtat sia amate thinletna taw a kidim natu, ki itna sungah a kikaizot natu, le thumaan heakna pan a piang thinmuanna a kicing hauna a nei thei natu deina ahi hi. Hisia lam panin Pathian thuku ahi Christ ama mama sia amate in he tu uh hi.

Colossae te 4:12

Epaphras zongh in hong paupui hi, ama in Jesus Christ ii naseampa khat hi a noma pawl sungah a kihel khat ahi hi. Ama in Pathian tungah note sia a khanthin le a cingtaak tak a, a thinzo Tapidawte, Pathian ii deina bang a, khuangkhim takin a zuite bangin kho takin, na din natu in nasia tatakin thu hong ngetsak tawntung hi.

1 Thessalonica te 1:5

Banghang ziam cile Lungdamna Thupha sia, kammal nguak taw hi ngawlin, vaangletna le Thaa Thiangtho taw zongh le a thumaan thutak saan tatakna taw no kungah kong puak uh hi. Note taw ka om uh lai in bangbangin nungta khu ziam ci in nong he uh hi; tuate in noma ii phat natu ahi hi.

1 Timothy 3:16

Eite biakna in a lian thuku khat a hina sia kuama in, a nial thei buatu hi: Ama sia mihing mealin hong kilangh a, Thumaan hi ci in Thaa in lakin, vantunglalangte in mu hi. Ama sia minamte sungah a thu kihil a, leitung theampo in ama umin, tuaciang vantung ah ama kila to hi.

2 Timothy 4:17

Ahitazong Topa sia kei kungah hong om a, thahatna hong pia hi. Tuasia ciangin Gentile te theampo ii a zaak tu in ngupna thu a cing in ka thangsak thei hi; tuaciang kei sia thidaan panin hong suaktasak hi.

Hebrew te 10:22

Tua ahikom thintak le upna maan taw mawna kithasunna pan, a kithiansua sa lungtang le tuithiang taw a kisil sa pumpite taw Pathian kung zuan tek tawng.

Hebrew te 6:11

Deisakna lianpi kong neisakna uh sia, bang ziam cile, na lamet uh thute hong taangtung takpi thei natu in, na lawpna uhte a tawp dongin, mihing sim in, na kepcing tek tu ahi hi.