Jude 1:3 - Syin Chin Bible

³ Ka it lawmte awng, ih nei khop tek ngupna huvau hong at nuam ing, ka ci laitakin, Pathian ii mihingte tungah a tawntung atu in khatvei a piak upna huvau ngal ih sim kul lai hi, ci in hanthot nopna ka thinsung ah thakhatin hong suak hi.

Jude 1:3 Iomraidhean Croise

Nehemiah 13:25

Tua pasalte teih in ka haamsiat ngawp a, saatin, a sam ka nuk zazaan hi. Tua zawkciang amate ahizong a tate ahizong ngamdangmite taw a ten kik ngei nawn ngawl natu in Pathian min taw ka kiciamsak hi.

Isaiah 45:17

Ahihang Israel ahile Topa in ngumin, a ngalzawna a tawntungin kip hi; Ama mite kimaimawlsak ngeingawl tu hi,’ ci in pualaak tu uh hi,” ci hi.

Isaiah 45:22

“Leitung mihing theampo awng, tu in kei kungah hong kiheak tavun a, ngupna nga tavun! Pathian khat bek a om sia keima ka hi hi.

Jeremiah 9:3

Amate sia leilot thu son tu in kinging tawntung uh hi; thumaanna taw sangin thumaan ngawlna taw ngam uk zaw uh hi. Topa in, “Ka mite in thusia khat zawkciang khat vawtin kei sia a Pathian bang zongh in hong sim bua uh hi,” ci hi.

Sawltakte 17:3

Messiah in ngim thuak tu a, thina panin tho kik tu hi, ci in Laithiangtho taw kipsakin sonthiang hi. Paul in, “No tungah kong pualaak hi Jesus sia Messiah ahi hi,” ci hi.

Sawltakte 18:28

Banghang ziam cile, Jesus sia Messiah a hina thu, Laithiangtho sisanh in a lak telna taw in mihonte mai ah, Jew te taw kam kinialnate sungah a mawngnei mama kam nialnate taw Jew te a zo ngawp hi.

Sawltakte 20:27

Banghang ziam cile Pathian tupna a buppi in kong sonna ah bangma kheet nei ngawl khi hi.

Sawltakte 28:28

Tuaciang Paul ii thukhupna ah: “Tuasia ciang, Pathian ii ngupna thu sia Gentile te tungah, kipuak zo hi ci in note in na heak tu uh ahi hi. Amate in ngai tu hi!”

Sawltakte 4:12

Ngupna sia ama bek tungtawnin kinga thei hi; leitung bup ah eite hong ngum thei tu in, Pathian piaksa midang khat zongh om ngawl hi,” ci hi.

Sawltakte 6:7

Tuabangin Pathian kammal hong kizel to hi. Jerusalem khua ah a nungzuite khang vaial a, thiampi tam mamate in hi upna saang uh hi.

Sawltakte 9:13

Ananias in zo kik a, “Topa awng, mihing tam ma in, hisia pa thu hong son a, Jerusalem ah na mite tungah a cizat huai ama ngamtatna theampo hong kison hi.

Sawltakte 9:22

Ahihang Saul thuhilna in vaang nei vaial a, Jesus sia Messiah hi ci a, a sonthiangna sia, up huai mama ahikom, Damascus khua ah a teang Jew te in, ama a nial thei bua uh hi.

1 Corinth te 15:3

Keima ii ka nga sa teng note tungah kong pia sawn hi, tua thu in thupibel hi: banghang ziam cile Laithiangtho ii at bangma in Christ in eite ii mawna hangin thi hi;

Galatia te 2:5

ahihang lungdamna thu ii thumaanna sia note atu a kikepcing thei natu in, amate deina tawmvei bek zongh ih zawp hun a om bua hi.

Galatia te 3:28

Tua ahikom Jew te le Gentile te, silate le sila ahi ngawlte, pate le numeite kilaklaw tek ah kilamdanna om nawn ngawl hi; Christ Jesus taw na kipumkhat uh ciangin note theampo sia pumkhat na hi uh hi.

Galatia te 6:11

Keima khut taw laithak kong at ciang, laimal lian taw ka at sia mu tu nu hi!

Ephesus te 1:1

Pathian ii deina taw Christ Jesus ii sawltak khat ahi Paul in — Jesus taw kipumkhat nuntakna sungah a thumaan Ephesus khua Pathian ii mihingte tungah lai kong thaak hi;

Thuhil kikna 21:9

Tuasia ciang, Topa ci bangin na vawtna uh taw mihing thalupna huvau hong kimawsak ngawl tu hi.

Thuhil kikna 9:10

Tuaciang Topa in ama ii khut taw ma a at suangpheak niite hong pia a, tuate sia mual tungah na kikhop uh ni in meikuang sung pan hong son thute ahi hi.

Philippi te 1:1

Christ Jesus ii naseamte ahi Paul le Timothy in — Christ Jesus taw pumkhat a om pawlpi lampuite le, Husyate a kihel Philippi ah a om Pathian ii mite theampo tungah lai kong thaak uh hi.

Philippi te 1:27

Tu in a thupi thu in na nuntakna uh sia Christ lungdamna thu ii dei bang tatak ahi natu thu ahi hi, tua hile kei kong pai thei a, kong pai maw zong note tupna kibang khat tungah kip takin a dingte hi a, deina khat bek taw lungdamna thu upna atu ngaldo khawmte na hi hunlam kong za tu hi.

Colossae te 1:2

Colossae khua ah a om Christ taw pumkhat ahi a thumaan suapui le Pathian mite tungah lai kong thaak uh hi. Ih Pa Pathian in thuthiamna le thinnopna hong pia tahen.

1 Thessalonica te 2:2

Noma kung Thessalonica ah kong pai uh ma in Philippi ah kote hong kivawtsia zo a, hong kizawnsakzia sia na heak uh ahi hi. Tuaciangin hong langpan tam kale, ama kung pan a hong pai Lungdamna Thupha note tungah kong son natu in, ih Pathian in thinletna hong pia hi.

1 Timothy 1:18

Ka ta Timothy awng, nangma huvau a hun bosa sungah kamsaan sonkholna a om bangin, hi thupiakna sia na khut sungah muangin kong aap hi. Ngal pha tak na sim thei natu in tua kammalte ngalhiam in zangh in a,

1 Timothy 6:12

Upna tai kidemna sungah na hi thei tawpin tai in a, tuaciang nangma atu in tawntung nuntakna na sungsuam in; banghang ziam cile tetti tam mamate mai ah na upna kho takin na pualaak ciang hi nuntakna ah Pathian in nang hong sam ahi hi.

2 Timothy 1:13

Thumaan kammal kong hilte na kholet in a, na zui tu etteena in nei in, tuaciangin Christ Jesus taw kikopna sungah, eite aa ahi upna le ki itna sungah na kip in.

Titus 1:4

Ih nei khop tek upna sungah ka tapa tatak ahi Titus tungah lai kong at hi. Pathian le ih Hunpa Christ Jesus in, thuthiamna le thinnopna hong pia tahen.

Hebrew te 13:22

Suapuite awng, hi kihanthotna kammalte pha takin na ngai vun ci in kong thum hi; banghang ziam cile hi laithak kong at sia sau leih ngawl hi.

Hebrew te 6:9

Ahizong hi bangin ih pau hang, kong it lawmte awng, no atu sia ka lungmuang hi. Note ii ngupna taw kizui thupha a phazawte na nei uh sia kong he uh hi.

1 Peter 5:12

A thumaan Tapidaw suapui in ka ngaisut Silas ii hong huna taw, hi lai tomno kong at hi. Hi thu sia Pathian ii thuthiamna tatak hi ci in tetti pangin, kong hanthawn hi. Tua thu sungah kho takin ding vun.

2 Peter 1:1

Jesus Christ ii sawltakpa le silapa Simon Peter in — Ih Pathian le Hunpa Jesus Christ thumaan thutang tungtawn a, kote ii upna za ma in a manpha upna, a neite tungah lai kong thaak hi:

2 Peter 2:21

Amate tungah a kipia a thiangtho thupiakna pan a pial uh sangin, a heak uh thutang lampi sia he ngei phot buazaw le, amate atu phazaw lai tu hi.

Jude 1:1

Jesus Christ ii naseam, James ii suapuipa Jude kung pan — Pa Pathian ii itna sung le Jesus Christ ii kepcingna sung a nungta Pathian ii sapsate tungah laithak ahi hi:

Jude 1:17

Ahihang lawmte awng, a bosa hun sungah ih Topa Jesus Christ sawltakte ii hong son thute na phawk tavun.

Jude 1:20

Ahihang no, ka lawmte awng, a thiangthobel na upna tungah kikipsak seseam vun. Thaa Thiangtho vaangletna sungah thungen tavun,

Thupualaakna 12:11

Ih suapuite in Tuuno chi le thumaan thutang a thansakna uh taw zawna nga zo uh hi; amate in a nuntakna uh pia in thi ngam hi.

Thupualaakna 2:10

Na thuak lai tute a bang po ahizong, lau heak vun. Ngai vun! Doaimangpa in note hong ze etna in, pawlkhat thonginn sung denna in hong nei tu a, na ngimna uh sia ni sawm sung teng hi tu hi. Thi tu keak a kul zong kei tungah hong thumaan tavun, tua hile nuntakna sia zawna tel in kong pia tu hi.