Joshua 9:8 - Syin Chin Bible

⁸ Amate in Joshua mun ah, “Ko sia nangma ii nong sawl pawpo seam tu khu hi,” ci hi. Joshua in, “No a kuate nu ziam? Koisung pan hong pai nu ziam?” ci in dongh hi.

Joshua 9:8 Iomraidhean Croise

2 Kumpite 10:5

Tua ahikom kumpi inn ah vaipuak neite, khuapi tungah vaipuak neite kikopin, ngammite lampuite le kumpipa bangkua a keamte in hi kamthaak sia Jehu tungah puak uh hi; “Ko sia na naseamte khu hi, nangma ii ci po a seam tu in kinging khu hi. Ahihang kuama kumpipa in koi ngawl tu khu hi; phabel na sak bangin hong seam ta'n,” ci uh hi.

Thuhil kikna 20:11

Amate in kongpite hong honin hong ki aap ahile, a vekpi in na sila suak tu a, na na hong sepsak tu hi.

Joshua 10:6

Gibeon mite in Gilgal ngiaphual ah Joshua atu kam thaak a: “Topa awng, ko hong nusia heak in! A manlang in hong pai tavun a hong hu tavun! Hong hun tavun! Mualtung ngam a teang Amor kumpite theampo in a ngalkap teng ngawmtua in ko hong sim uh hi!” cisak hi.

Joshua 9:11

Koma lampuite le ka ngam sungah a teang mite theampo in no taw kimu tu in nguai an taw khualhaw in hong sawl hi. Noma ii sawl po seam a, kipawl thei natu kilemna kamciam kho khat vawtin hong sawl hi.

Joshua 9:23

Hi bangin na ngamtat uh hu in Pathian in no sia hong ningkhiin zo hi. Na mite uh sia sal hi tawntung tu a, ka Pathian biakna mun khat sia atu thingtom in tui toai tu nu hi,” ci hi.

Joshua 9:25

Tu in ko sia nangma thuneina nuai ah om khu hi; Tang na sak bangin ko tungah hong vawt ta'n,” ci in zo hi.

Joshua 9:27

Ahihang tua hunin amate sia sal suaksak hi, Topa biaknatau atu le Israel mite atu thing tomsakin tui toaisak hi. Tu ni dongin Topa ii ama ih biak natu a tealsa mun pawpo ah amate in hi nasep seam tan uh hi.