Joshua 9:24 - Syin Chin Bible

²⁴ Amate in, “Topa awng, hi bangin ka ngamtat uh sia Topa na Pathian uh in a naseampa Moses tungah thupia zo a, ngam le lei buppi no hong pia in, a sung a teang mite sia maisang na mainawt uh kawmin thatlum siat tu ci thu maan takpi hi ci in ka tel uh hang hi. Tuabangin ngamta khu hi. Banghang ziam cile ko sia nasia takin lau khu hi; ka nuntakna atu mama in patau khu hi.

Joshua 9:24 Iomraidhean Croise

Job 2:4

Satan in, “Mihing khat pawpo in a nuntak natu in a nei theampo pia khia tu hi.

Matthew 10:28

Pumpi that thei a, a thaa a that thei ngawlte na kiita heak vun; hell sungah thaa le pumpi a lalcip khawmsak thei Pathian kiita zaw vun.

Joshua 10:2

Jerusalem mite sia nasia takin patau uh hi, banghang ziam ci le Gibeon sia kumpi a nei khuapi lian khat pawpo cia ma pha hi; Ai sangin zongh lian zaw a, a mite zongh ngalsim thiam vive hi.

Joshua 2:11

Ka zaak uh po ciang ka lau uh hi; no hu in ka thin letna teng ka bosua uh hi. Topa na Pathian sia vantung le hi lai leitung ii Pathian ahi hi.

Joshua 2:9

hi bangin ci hi; “Topa in hi ngam sia no hong pia zo hi ci in ka he hi. Ngamsung mite khat simin no hong kiita vadil hi.

Joshua 6:21

A namsau uh taw khuapi sung a om mi theampo, nupi, pasal, a moi, a haam thatlum siat uh hi. Amate in khui, tuu le laa te zongh thatlum siat uh hi.

Joshua 9:9

Tuasia ciang amate in hi bangin son uh hi: “Topa awng, ko sia ngam khuala mama na khat pan hong pai khu hi, banghang ziam cile Topa na Pathian huvau za khu hi. Egypt ngam a, a sep a vawt theampo ka za uh hi,