Joshua 9:14 - Syin Chin Bible

¹⁴ Israel te in an pawlkhat amate tung pan saang hi, ahihang tua taw kisai in Topa a dongh bua uh hi.

Joshua 9:14 Iomraidhean Croise

2 Samuel 2:1

Hisia zawkciang David in Topa dongh a, “Keima pai in Judah khuate khat ka uk tu ziam?” ci hi. “Uk in,” ci in Topa in zo hi. David in “Koisia ziam?” ci in, dongh hi. Topa in, “Hebron” ci hi.

2 Samuel 5:19

David in Topa dongh a, “Philistine te ka sim tu ziam? Zawna kei nong pia tu ziam?” ci hi. Topa in, “Hi hi, sim in! Zawna kong pia tu hi,” ci in zo hi.

Ezra 8:21

A kitotawm Ahava Tuiluam hui ah ka vekpi uh in antang in kote ii Pathian mai ah kiniamkhiak a, ka khualhawna uh ah hong lampui in, koma, ka tate uh le ka neisa theampo taw hong kep natu ama tungah hesuak ngen tu in ka sawl hi.

Pusuana 28:30

Tuabangin a thiangtho kong ompuina sungah Aaron hong pai ciang a ken thei tu in ama awmdal sungah Urim le Thummim koi in. Israel mite atu in ka deina a heak thei natu in tuabang hun ciangin tua awmdal ama in silh tawntung tu hi.

Mi Simna 27:21

Joshua in thiampi Eleazar suang tu a, Eleazar in keima deina a heak natu in Urim le Thummim zangh tu hi. Tuabangin Joshua le Israel taangpi bup sia thu theampo ah Eleazar in vaihawm tu hi,” ci hi.

James 1:5

Ahihang note khat po in, ciimna na nei buale, a pia tu pa Pathian tungah thu ngen tahen; banghang ziam cile Pathian in ngo tatak le thuthiam takin, a kuama theampo tungah pia hi.

Joshua 9:13

Hi savun thawlte ka dip uh lai in thak sitset lai hi, ahihang en le uhte! Tu in ekkeak zo hi. Ka puansilhte ka peangdapte lamkhuala hu in paat zo hi!” ci hi.

Thukhente 1:1

Joshua thi zawkciang Israel te in Topa dongh a, “Akuate nam pai masa in Canaan te sim tu khu ziam?” ci uh hi.

Thukhente 20:18

Israel mite Bethel biakna munah pai in Pathian tungah amate in, “Bang nam in Benjamin te sim masa tu ziam?” ci in dongh uh hi. Topa in zo a, “Judah nam” ci hi.

1 Samuel 22:10

David in bang teng vawt kul tu ziam ci in Ahimelech in Topa dongh a, tua zawkciang David an tawm pia in, Philistine mi Goliath ii namsau sia pia hi,” ci in son hi.