Joshua 8:8 - Syin Chin Bible

⁸ Khuapi na laak zawk uh ciang, Topa thupiak bangin na haltham tu uh hi. Hi teng sia no atu thu piakna hi.”

Joshua 8:8 Iomraidhean Croise

2 Samuel 13:28

tuaciang a naseamte thupia a: “Amnon ii zu a kham mama hun hong he tavun a, thu kong piak ciangin ama that vun. Lau heak vun. Keima in vaipuak la khi hi. Hang vun a, haisaang heak vun,” ci hi.

Thuhil kikna 20:16

“Ahizong Topa na Pathian ii hong piak ngam sungah a om khuapite na laak uh ciang, mihing theampo thatlum siat vun.

Joshua 1:16

Amate in Joshua tungah, “Nong sawl theampo ka vawt tu a, nong puakna mun theampo ah ka pai tu hi.

Joshua 1:9

Thin takkhana le kimuanna nei tu in kong thupiak sia ciamtee in! Lau heak in a, na thin kiamsak heak in, banghang ziam cile Kei, Topa na Pathian sia na paina theampo ah nang taw kong omkhawm hi,” ci hi.

Joshua 6:24

Tua zawkciang amate in khuapi sia a sung a om theampo taw cip in haltham a, khamh, ngunn, taau le thik taw a kivawt vanhte ahile hal ngawl hi, tuate amate in la in Topa sum kholna ah koi uh hi.

Joshua 8:13

Ngalkapte sia a kido hun tak ciang ngiaphualpi a om teng khuapi ii saksang ah, a dang teng nitumna sangah ngalsim tu in hawm hi. Joshua ahile leikuam ah zan ngiak hi.

Joshua 8:2

Jericho le a kumpipa tungah na vawt uh bangin Ai le a kumpipa tungah na vawt tu uh hi; ahihang tu sia hun ciang vanhte le ngannote noma neisa tu in na keam thei tu uh hi. A muanmawk ngawl het tu in khuapi sia a nungsang pan sim tu in kithoai vun.”

Joshua 8:22

Khuapi sungah a om Israel te sia tu in ngalsim pui tu in hong paisuk uh hi. Tuabangin Ai mite sia Israel te in kiim uum cip zo ci in kimu a, tua zawkciang amate a vekpi in thalup thuak uh hi. Kuama tai ngawl a,

Joshua 8:28

Joshua in Ai sia haltum a, a zaancip in nusia hi. Tuni in tuabang ma in om lai hi.

Joshua 8:7

Tuasia ciang no sia na bukna uh pan hong pusuak in, khuapi nong la tu uh hi. Topa na Pathian in tua khua sia no hong pia tu hi.

Joshua 8:9

Tua ahikom Joshua in amate kuansak a, Ai le Bethel kilaklaw, Ai ii nitumna sang a bukna tu mun zuanin tuak sung pan ngak uh hi. Joshua sia ngiaphual ah zan ngiak hi.

Thukhente 4:6

Ni khat ni ciang ama in Naphtali ngam Kadesh khuapi pan Abinoam ii tapa Barak sam sakin ama tungah, “Topa, Israel te ii Pathian in nang sia hi thu hong pia hi, ‘Naphtali le Zebulun namte panin pasal tulsawm la in a, Tabor Mual zot pui in.