Joshua 8:35 - Syin Chin Bible

³⁵ Moses ii thupiakte theampo, numei, patang, ngamdangmi, amate sung a teangte zongh a kihel, a kikhawm buppi tungah Joshua in sim siat hi.

Joshua 8:35 Iomraidhean Croise

Ezra 10:1

Biakinnpi mai ah Ezra kapin hi mawna khialnate pualaakin kunin a thunget laitak a kiim ah Israel te — pasalte, nupite le patangte — kikhawm a, nasia takin kap uh hi.

Nehemiah 8:2

Tua ahiciang Ezra in mipite ahi — pasal, numei le thutel thei sa patangte kikhopna munah tua laibu paipui hi.

Nehemiah 8:3

Tualai kongpi hui leitual ah ama in Thukham laibu sia zing khuavak pan nisun dong amate tungah simh in pha takpi in ngai tek uh hi.

Pusuana 12:38

Midang tam mama le tuu, keal le khui tam mama te zongh amate taw paikhawm uh hi.

Jeremiah 26:2

Topa in keima tungah, “Biakinnpi huang sungah ding in a, Judah ngam khuapite pan tua munah Pathian bia tu in hong pai mihingte tungah son tu a kong sawlte theampo thangsak in. Kheet nei heak in.

Joel 2:16

Mite khawmtua vun; a thiangtho kikhop natu in kithoaisak vun; khanghaamte hong paipui tavun; patangte le nausente zongh khawmtua vun. A kiteang tuung nupate zongh a inn nusia in hong pai uh kul tu hi.

Zechariah 8:23

Tua hun ciang, ngamdangmi sawm in Judah mi khat kungah hong pai tu a, ‘Note taw Pathian om hi ci in za ka hi uh ciang note taw a sia a pha kumkhawm nuam khu hi, ci tu uh hi,’ ” ci hi.

Mark 10:14

Jesus in hi bang a ngamtat uh a mu ciangin, thin uuk a amate tungah, “Patangte ka kungah hong pai tahen, khaam heak vun, banghang ziam cile Pathian Ngam sia hi bangte atu ahi hi.

Sawltakte 20:27

Banghang ziam cile Pathian tupna a buppi in kong sonna ah bangma kheet nei ngawl khi hi.

Sawltakte 21:5

Ahihang amate taw hun ka zak zawkciangin, vai ka ding uh a, koma pai natu ah ka pai uh hi. Amate in a zite a tate taw khuapi puasia dong hong tha in, vaalbo ah ka vekpi khupdin in thu ka ngen uh hi.

Thuhil kikna 29:10

“Tuni in note theampo — na lampuite le na uliante, na pasalte,

Thuhil kikna 29:11

nupite, patangte le no atu in thing hong tomsak, tui hong toaisak a, note sungah a teang ngamdangmite taw Topa na Pathian mai ah na ding siat uh hi.

Thuhil kikna 29:9

Na sep na vawt theampo na zaw natu in hi thuciam sungah a om theampo thumaan takin zui vun.

Thuhil kikna 31:12

A kuama po in hisia za thei a, Topa na Pathian a zatak vawt thei natu le ama ii thuhilte thumaan takin a zui thei natu in pa, numei, patang te le noma khuate ah a teang ngamdangmite a vekpi in sam khawm vun.

Thuhil kikna 4:2

Ka thupiakte bangma belap heak vun a bangma vawk heak vun. Keima kong piaksa, Topa na Pathian uh ii thu piakte zui vun.