Joshua 8:31 - Syin Chin Bible

³¹ Topa naseampa Moses ii Israel te a hilna bangin Moses ii Thukham sungah: “Thik vanhzakte taw a kitan ngawl suang taw a kivawt biaknatau” sia vawt hi. Tua tungah amate in Topa atu meihal biakpiaknate le pawlkhop biakpiaknate pia uh hi.

Joshua 8:31 Iomraidhean Croise

2 Kumpite 14:6

Ahihang ama in tuate ii tate thatlum ngawl a, Moses Thukham sungah Topa ii thupiak ahi: “A tate ii a vawt khialnate hu in nute pate kithisak ngawl tu a, pate nute ii a vawt khialnate hu in tate kithisak ngawl tu hi; mihing khat sia ama ii khialna hang bekin kithisak tu hi,” a cite zui hi.

2 Kumpite 22:8

Shaphan in kumpipa thupiakna teng Hilkiah tungah son a, tuaciang Hilkiah in Biakinnpi sungah Thukham laibu ka mu hi ci in son hi. Hilkiah in tua laibu sia pia a Shaphan in sim hi.

2 Khangtaanghthu 25:4

Ahihang ama in Moses Thukham sungah Topa thupiak bang zui in tua ulian te ii tate that ngawl hi, Moses Thukham sungah: “A tate ii khialna liante hangin a nu le a pa kithat ngawl tu a, a nu le a pa khialna liante hangin a tate kithat ngawl tu hi; mihing khat sia ama mama ii vawt khialna lian hang bekin kithisak tu hi,” ci in om hi.

2 Khangtaanghthu 35:12

Tua zawkciang Moses Thukham sungah hilna om bangin a piak thei tu in meihal biakpiaknate a tu ngannote sia amate in a innkuan pawl tuatuamte zui in mipite hawmsak hi.

Ezra 6:18

Amate in Moses laibu sungah kihilna om bangin Jerusalem biakinn naseam tu in thiampite le Levi te zongh kaikhawm uh hi.

Nehemiah 13:1

Mipite tungah nging takin Moses ii Thukham a kisim ciang Ammon te le Moab te sia Pathian mite sungah kihel thei ngawl tu hi a cina laingual mu uh hi.

Pusuana 18:12

Tuaciang Jethro in meihal biakpiakna buppi le a dang sangaw biakpiaknate Pathian tungah pia a; Aaron le Israel lampuite theampo, ama taw biakpiakna an thiangtho nekhawm tu in pai uh hi.

Pusuana 24:5

Tua zawkciang ama in tangvalte sawl a. amate in meihal biakpiaknate le khui pawl khat ngoin kipawlkhop sangaw biakpiakna te Topa tungah vawt uh hi.

Matthew 12:26

Tua ahikom Satan ngamsung zongh ah pawl tuam khat in, a dang pawltuam dangkhatte do in a om uh le Satan ngam a kikhen tham hi zo a, hai ngawlin zaantham tu hi.

Thuhil kikna 27:2

Jordan ngun kaantan in Topa na Pathian ii hong piakna ngamsung na tum uh ni in, suang lian pawlkhat phut in, buan taw zut vun a,

Thuhil kikna 27:8

Buan taw a kizut suangte tungah Pathian ii thukham kammal theampo a kician in at vun,” ci hi.

Joshua 1:8

Na biakpiakna sungah Thukham Laibu sia sim vateei tawntung tu ni hi. Sun taw zan taw tuasia kantel in a ki at theampo na zui hamtang vun. Tuasia ciang na nuamsa tu a, zawna na nga tu hi.