Joshua 8:29 - Syin Chin Bible

²⁹ Ama in Ai kumpipa sia thingkung khat tungah awklumsak a, nitak sang dong a luang tualai ah nusia hi. Nitum ciangin Joshua in a luang a laak natu thupia a, khuapi tumna kongpi ah kivawksuk hi. Amate in a luang sia suangtum honpui khat taw del a, tu ni dongin tua munah om lai hi.

Joshua 8:29 Iomraidhean Croise

2 Samuel 18:17

Amate in Absalom ii luang la in duisung dum thuk khat sungah a lotsuk zawk uh ciang suangtum honpui khat taw siin uh hi. Israel te theampo taimang in a inn tek zuan uh hi.

Esther 7:10

Tuabangin Mordecai atu ama ii phusa khuam sia tungah Haman ki awklumsak hi. Tua zawkciang kumpipa thin uukna thai hi.

Psalm Late 107:40

amate a zothawte ama in ngaimawkna lak a, lampi om ngawlna sennealngam sungah vakthapsak hi.

Psalm Late 110:5

Topa sia na ziatsang ah om hi; ama a thin a uuk ciangin kumpite zothal siat tu hi.

John 19:31

Jew thuneite in, Pilate munah a kithatte ii peang a thiatan natu le, thinglamtee tung pan a luangte a laaksuk thei natu in ngen uh hi. Hi bang a nget theina uh sia banghang ziam cile tua ni sia nipi zawk Ni nga ni hi a, hong pai tu Sabbath sia a thiangtho tuam a kingaisun ahikom Sabbath ni in a luangte thinglamtee tungah a om tu a dei bua uh hi.

Sawltakte 12:23

Thakhat thu in Topa vantunglalang khat in Herod velvawk hi, banghang ziam cile ama in Pathian vaang a pia bua hi. Ama sia lungte in ne a thi hi.

Joshua 10:30

Topa in Israel te hi khuapi le a kumpipa zosak leleau hi. Amate in kuama khoaikhe ngawlin a sungah a om mi theampo thatlum siat uh hi. A kumpipa tungah Jericho kumpipa a vawt bangin amate in vawt uh hi.

Joshua 10:33

Gezer kumpipa Horam in Lachish hu tu hong pai ahihang Joshua in a ngalkaphonpi zothal in, amate kuama hingkhoai ngawl hi.

Joshua 12:9

Israel mite in hi kumpite ii khuapi hi teng zo siat uh hi: Ai (Bethel khua hui),

Joshua 7:26

Amate in ama luang tungah suangtum khawlpui khat seng uh hi, tuasia tu ni dongin om hi. Tua hu in tua mun sia Ngimna Kuam kici lai hi. Tuasia ciang Topa a thinso nawn ngawl hi.

Joshua 8:23

Ai kumpipa simngawl kuama nungta in a suakta om ngawl hi. Ai kumpipa ahile kiman a Joshua kungah kipuak hi.