Joshua 8:28 - Syin Chin Bible

²⁸ Joshua in Ai sia haltum a, a zaancip in nusia hi. Tuni in tuabang ma in om lai hi.

Joshua 8:28 Iomraidhean Croise

2 Kumpite 19:25

“Hi teng sia khuangeipi lai in ka ngeal sa ahi hunlam za ngeingawl ni ziam? Tuciangin tuasia taaksua zo khi hi. Kulh taw a ki uum khuapite niinthuk kikholte suaksak tu in thahatna kong pia hi.

Isaiah 17:1

Topa in, “Damascus sia khuapi khat hi nawn ngawl tu hi; ninthuk kholna khat bek hi tu hi.

Isaiah 25:2

Khuapite na siasak zo a, a kulhte na lalcipsak zo hi. Ih ngalte ii sak kumpi innte bo zo hi.

Jeremiah 49:2

Ahizong Rabbah khuapi ah a teang mihingte in ngal kidona aw ka zaaksak tu hun hong theng tu a, a khuapi kisiacip in a khuanote kihaltum tu hi. Tuasia ciang Israel in a ngam hong laaksak mite kung pan a ngam la kik tu uh hi.

Jeremiah 50:26

Mun theampo pan sim vun a, a antang kholna munte hong keak vun! Na suttol vanhte antang sen bangin seng to vun! A ngam susia vun! Bang mama khe heak vun!

Jeremiah 9:11

Topa in, “Jerusalem khua sia na a sia te kholna le, ngiate teenna mun ka suaksak tu hi; Judah ngam khuapite sia kuama ii teen ngawlna sennealngam suak tu hi,” ci hi.

Micah 3:12

Tua ahikom note hu in Zion sia lo khat bangin kitho tu a, Jerusalem sia nin kholna suakin, Biakinnpi mual sia dui suak tu hi.

Thuhil kikna 13:16

Tua munah a teang mihingte ii neisa theampo khawmtua in khua laizang khawlmun ah seng vun. Topa na Pathian tungah biakpiakna in tua khua le a sungah a om teng hal siat vun. A tawntungin tua khua sia a lal in kinusia tu a, khua kisaat kik ngei nawn ngawl tu hi.

Thuhil kikna 13:17

A kisusia nate sung pan note atu in na khat zongh la heak vun, tuasia ciang Topa thin uukna thai in hong hesuak tu hi. Tuni in kong piak ama thupiakte theampo zui in, a deina bang na seam uh le,

Joshua 4:9

Thuciamna Thingkuang a pua thiampite ii dinna san Jordan ngun laizang ah Joshua zongh in suangtum sawm le nii ciang hi. (Tua suangtumte tua munah om lai hi.)

Joshua 8:29

Ama in Ai kumpipa sia thingkung khat tungah awklumsak a, nitak sang dong a luang tualai ah nusia hi. Nitum ciangin Joshua in a luang a laak natu thupia a, khuapi tumna kongpi ah kivawksuk hi. Amate in a luang sia suangtum honpui khat taw del a, tu ni dongin tua munah om lai hi.