Joshua 8:22 - Syin Chin Bible

²² Khuapi sungah a om Israel te sia tu in ngalsim pui tu in hong paisuk uh hi. Tuabangin Ai mite sia Israel te in kiim uum cip zo ci in kimu a, tua zawkciang amate a vekpi in thalup thuak uh hi. Kuama tai ngawl a,

Joshua 8:22 Iomraidhean Croise

Job 20:5

mi ngilote khuangei a lungdam ngawl hunlam he nanak tu ni hi.

Thuhil kikna 7:2

Topa na Pathian in, hi mite na khutnuai ah hong koi a, noma in na zaw uh ciang a vekpi that nanak tu nu hi. Amate taw kipawlna vawt heak vun a, hesuak peuma heak vun.

1 Thessalonica te 5:3

Mihingte in, “Na theampo thim khipkhep hi, lungmuanna om hi,” a ci laitakin thakhat thu in, siatna sia amate tungah hong theng vat tu hi! Nau a suak tu numei khat sia nautun a, a nat bangin thakhatin hong pai tu hi, tuaciang mihingte a suakta buatu uh hi.

Joshua 10:28

Joshua in Makkedah khua sim a, a zaw ni in a kumpipa man hi. A khua mi theampo khat zongh hingkhoai ngawlin that siat hi. Jericho kumpipa a vawt bangma in Makkedah kumpipa tungah vawt hi.

Joshua 6:21

A namsau uh taw khuapi sung a om mi theampo, nupi, pasal, a moi, a haam thatlum siat uh hi. Amate in khui, tuu le laa te zongh thatlum siat uh hi.

Joshua 8:21

A dang teng in khuapi la zo in, a kaanghtham sia Joshua le a mite in a mu uh ciang heak kik in, Ai mite a thatlum tu in kipan hi.

Joshua 8:23

Ai kumpipa simngawl kuama nungta in a suakta om ngawl hi. Ai kumpipa ahile kiman a Joshua kungah kipuak hi.

Joshua 8:8

Khuapi na laak zawk uh ciang, Topa thupiak bangin na haltham tu uh hi. Hi teng sia no atu thu piakna hi.”