Joshua 8:1 - Syin Chin Bible

¹ Topa in Joshua munah, “Ngalkapte a vekpi in keng in a, Ai khua ah va pai to tavun. Lau heak vun a thinkiam heak vun. Ai kumpipa kong zosak tu hi; a mite, a khuapi le a ngam a lei nang aa hi tu hi.

Joshua 8:1 Iomraidhean Croise

Psalm Late 27:1

Topa in ka khuavak le kei hong ngumpa hi a, kuama ka kiita buatu hi. Topa in launa theampo panin hong sungsia a, ka lau ngei buatu hi.

Psalm Late 44:3

Na mite in tua leitang sia amate ii a namsau taw zothal hi ngawl hi; amate vaangletna taw a zothal hi ngawl hi; nangma vaangletna le thahatna taw ahizong, nangma ompuina taw ahizong a zo hi a, tua in amate na itna na lakna ahi hi.

Psalm Late 46:11

Vaanglianbelpa Topa in ei taw hong omkhawm hi. Jacob ii Pathian sia ih bukna ahi hi.

Isaiah 12:2

Pathian sia kei hong ngumpa hi; Ama muangin, ka lau buatu hi. Topa in vaangletna le thahatna kei hong pia a; ama sia kei hong ngumpa ahi hi.

Isaiah 43:2

Tui thukte na kaantan ciang, nang taw kong omkhawm tu hi; ngim na thuaknate in hong zo zo ngawl tu hi. Meikuang na kaantan ciang, na kaangh buatu hi; na thuak haksatnate in nang hong nasak ngawl tu hi.

Jeremiah 46:27

“Ka mite awng, lau heak vun, Israel mite awng, patau heak vun. Na thongtaakna uh ngam khuala na pan kong suatak tu hi. Note na inn na lo ah na cia kik tu uh a thinnuam in na teang tu uh hi; note ngam muangin na om tu uh a, hong lausak kuama om ngawl tu hi.

Jeremiah 49:3

Heshbon mihingte awng, au in kap vun! Ai sia kisiasak zo hi! Rabbah numeite awng khuangai in kap vun! Khau-ip puan silhin kap vun! Lungmangin tai kawkoai vun. Na pathian Molech sia a thiampite le a kumpi tapate taw saltaang tu in kipaipui tu hi.

Daniel 2:21

Ama in hunte le khua hunte uk hi; ama in kumpite panmun pia a, kumpite phiat hi; ciimna le pilna a pia pa sia ama ahi hi.

Daniel 4:25

Mihing huamsung panin hong kihawlkeak tu a, ngamsate taw na teang khawm tu hi. Khuital khat bangin kum sali sung lopa ne in lozau sungah zan na ngiak tu a, na tungah daaitui hong kia tu hi. Tuaciang Lianbel Pathian in mihing kumpi ngamte uk a, tuate sia ama ii teal khat pawpo pia thei hi ci sia na saang tu hi.

Daniel 4:35

Ama in leitung mite bangma in a thusim bua a; vantung a om vantung mite le leitung a om mite ama in uk hi. Ama deina kuama in nalh thei ngawl a, ahibuale a sep a vawtte kuama in dongh kik thei ngawl hi.

Matthew 8:26

Jesus in, “Banghangin tuaza liangin lau nu ziam? Na upna uh bangza in no ziam?” ci hi. Tua zawkciang ama dingto a, vuipi le tuihualte a thim natu in thupia a, tuasia ciangin thim dide hi.

Thuhil kikna 31:8

Topa ama mama in nangma lam hong pui in, hong ompui tu hi. Ama in nang hong nusia ngawl tu a, hong taisan ngawl tu hi, tua ahiciang thinno heak in a, lau heak in,” ci hi.

Thuhil kikna 7:18

Amate kiita heak vun; Topa na Pathian in Egypt kumpipa le a mite tungah a vawt thute phawk vun.

Thuhil kikna 7:21

Tua ahiciang hi mite kiita heak vun. Topa na Pathian sia note taw omkhawm hi; ama sia a lian Pathian hi a, ih kiitak tu pa ahi hi.

Joshua 1:9

Thin takkhana le kimuanna nei tu in kong thupiak sia ciamtee in! Lau heak in a, na thin kiamsak heak in, banghang ziam cile Kei, Topa na Pathian sia na paina theampo ah nang taw kong omkhawm hi,” ci hi.

Joshua 10:7

Tua ahikom Joshua le a ngalkaphonpi bup, ngalkap phabel te kihel a, Gilgal panin kuan uh hi.

Joshua 10:8

Topa in Joshua munah, “Amate kiita heak in. Keima in nang zawna hong pia zo khi hi. Amate khat zongh in nang hong nang zo ngawl tu hi,” ci hi.

Joshua 2:24

tuasia zawkciang, “Topa in ngam buppi sia ei hong pia zo hi ci in um khu hi. Tua munah a om mipi theampo sia ei hong kiita vadil hi,” ci uh hi.

Joshua 6:2

Topa in Joshua tungah, “Jericho khua sia a kumpipa le a ngalhang ngalkap theampo taw kopin na khut sungah koi zo khi hi.

Joshua 7:9

Canaan mite le ngam sungah om midang theampo in hi thu za tu hi. Amate in hong kiim uum tu a, kote hong that siat tu hi. Tuasia ciangin nangma min kihuk natu in bang vawt tu ni ziam?” ci hi.