Joshua 7:6 - Syin Chin Bible

⁶ Joshua le Israel lampuite hee a, a puansilh lai te baltham in, Topa ii Thuciamna Thingkuang mai ah leiliik uh a, khuangaina lakna in a lu tungah leivui kithe in, tua munah nitak sang dong lum uh hi.

Joshua 7:6 Iomraidhean Croise

Pianciilna 37:29

Reuben hong theng kik a, tuikhuk sungah Joseph a mu ngawl ciang khuangai in a puan balkeak hi.

Pianciilna 37:34

Jacob khuangai in a puan balkeak a, khau-ip puan silh hi. A tapa hangin khuangai a ngei hialma kaikut hi.

2 Samuel 1:11

David khuangai in a puan eaukeak a, a mite theampo tuabang ma in ngamta uh hi.

2 Samuel 1:12

Saul le Jonathan, tuaciang Israel te Topa ii mite ngalphual ah tam mama kithat ahikom, amate hee in mau in, nitak dong an tang uh hi.

2 Samuel 1:2

A zing ciangin khangno khat Saul ii ngiaphual panin hong theng hi. Ama khuangaina a lak natu in a puante eaukeak in a lu tungah leivui kipoai hi. Ama in David kungah pai in, zatak piakna in lei ah bok hi.

2 Samuel 12:16

David in a ta dam natu Pathian tungah thu ngen hi. Ama in bangma ne nuam ngawl a, zan simin ama ii inndoi sungah pai in suat tungah lum hi.

2 Samuel 13:19

Ama in a lu tungah vut kipoai a, a puantual eaukeak in, a khut sungah a mai phumin kap kawmin paisan hi.

2 Samuel 13:31

Kumpipa hong ding a, a puansilh lai sia heena taw eaukeak in, leiliik hi. Ama taw a omkhawm naseamte zongh a puante eaukeak uh hi.

2 Kumpite 22:11

Kumpipa in laibu a kisim sia thu a zaak ciang, thinnop ngawlna taw a puan eaukeak a,

2 Khangtaanghthu 34:19

Kumpipa in laibu a kisim na bang a zaak ciang, thin nop ngawlna taw a puansilh lai eaukeak a,

Ezra 10:1

Biakinnpi mai ah Ezra kapin hi mawna khialnate pualaakin kunin a thunget laitak a kiim ah Israel te — pasalte, nupite le patangte — kikhawm a, nasia takin kap uh hi.

Nehemiah 9:1

Tua tha ni 24 ni in, a mawnate hangin khuangaina lakna in antang tu in Israel mite kikhawm uh hi. Amate sia ngamdangmite theampo taw kikhen zo uh hi. Amate in a khuangai lakna in khau-ip puan silhin a lu tungah leivui poai uh hi. Tua zawkciang dingin amate le a taanghpupite mawnate a pualaak tu kipan uh hi.

Esther 4:1

Mordecai in hi thu vawtna teng a heak ciang a thinna sa in a puan balkeak hi. Tua zawkciang khau-ip puan silhin a lu tungah vut poai a, nasia tak kapin tau in,

Esther 4:3

Kumpipa thuthansakna a kiheaksakna ngamke theampo ah Jew te nasia tak khuangai in om hi. Amate an tang a, kapin tau in, a tamzaw khau-ip puan silhin vut sungah lum uh hi.

Job 1:20

Tuasia ciang Job dingto a, khuangai in a puansilh teng baltham hi. A sam meet a, lei ah bokcip hi.

Job 2:12

Amate in a khuala pan Job ngalmu a, ahihang tel ngawl uh hi. A tel tak uh ciang amate nasia tak kapin, khuangai in a puansilhte baltham a, leivui lawnto in a lu tungah the uh hi.

Job 42:6

Tua ahikom ka pau sa theampo tungtaang ka maizum a, kisik kik in leivui sung le vut sungah ka om hi.

Kaa late 2:10

Jerusalem ii pasal huaite sia huthe ngawlin lei ah to khipkhep uh hi. A lu tungah leivui kithe in khau-ip puan silh uh hi. Ngaknu note lei ah a lu kun uh hi.

Mi Simna 14:6

Tuaciang Nun tapa Joshua le Jephunneh tapa Caleb, thudawpkute sung pan nii in khuangaina taw a puante balkeak in,

Mi Simna 16:22

Ahizong Moses le Aaron lei ah kunsuk a, “Aw, Pathian awng, nuntakna theampo ii naak na hi hi. Mihing khat a maw a khial ciang taangpi bup tungah thin uuk ni ziam?” ci uh hi.

Mi Simna 16:45

“Hi mihingte kung pan kiheam vun, amate thakhat thu in thatlum siat tu khi hi!” ci hi. Amate nii lei ah kunsuk in,

Sawltakte 14:14

Tua mite in bang vawt sawm ci thu a zaak ciangin Barnabas le Paul in, amate puansilh lai uhte baltham in tai a, mihonpite laizang tuu in,

Joshua 7:7

Tuaciang Joshua in, “Vaanglianpipa Topa awng! Banghang peuma in Jordan ngun hong kaantansak ni ziam? Amor mite khut sungah hong aap tu in maw? Hong mot tu in maw? Banghangin Jordan ngun langkhat ah om po ngawl ka na khu ziam?

Thupualaakna 18:19

Amate in a lu tung uh ah leivui kithe in, au in tau in, “Bangza in kiitakhuai ziam? Tua khuapi atu in bangza in lauhuai ziam! Tua nu sia tuipi tungah a pai teambawte a neite theampo ama ii hauna taw a hausak khuapi ahi hi! Nai khat sung teng in taan siat zo hi!” ci uh hi.

Thukhente 11:35

Ama in a tanu a mu ciang heena taw a puansilh eautham a, “Aw, ka tanu! nang in ka thin hong tamhthamsak ni hi! Kei hong thinnasak tu sia banghang nang keak hi luilam ni ziam? Topa tungah a ciliap huai kamciam ka piaksa hi a, tuasia dawk kik thei nawn ngawl khi hi!” ci hi.

Thukhente 20:26

Tuasia ciang Israel mite theampo Bethel ah pai in tau uh hi. Amate Topa ii ompuina tua munah to in, nitak dong an a ne bua uh hi. Amate in pawlkhop sangaw biakpiakna le meihal sangaw biakpiakna pawlkhat a bupin hal uh hi — tua theampo Topa mai ah vawt uh hi.

Thukhente 21:2

Tua ahikom tu in Israel mite Bethel ah hong pai in, tualai Topa ii mai ah nitak dong to uh hi. Nging tak le thinbot takin amate mau tek uh hi:

1 Samuel 4:12

Benjamin namte pasal khat ngalphual panin Shiloh ah tai vingveng a, hong ni tut hi. A khuangaina lianpi a lak natu in a puansilhte hong eaukeak a, a lu tungah leivui koi hi.