Joshua 7:26 - Syin Chin Bible

²⁶ Amate in ama luang tungah suangtum khawlpui khat seng uh hi, tuasia tu ni dongin om hi. Tua hu in tua mun sia Ngimna Kuam kici lai hi. Tuasia ciang Topa a thinso nawn ngawl hi.

Joshua 7:26 Iomraidhean Croise

2 Samuel 18:17

Amate in Absalom ii luang la in duisung dum thuk khat sungah a lotsuk zawk uh ciang suangtum honpui khat taw siin uh hi. Israel te theampo taimang in a inn tek zuan uh hi.

2 Samuel 21:14

Tua zawkciang amate in kumpipa sawl babangin, Saul le Jonathan ii ngute Benjamin ngamsung Zela khua, Saul ii pa Kish ii thaan sungah phum uh hi. Tuasia zawkciang amate ngam atu a thungetna teng Pathian in zo hi.

2 Khangtaanghthu 29:10

“Hi bang teng ahikom ei tungah Topa Israel te ii Pathian sia a thin a uuk nawn ngawl natu in ama taw tu in thuciamna khat vawt tu in ka khensat zo hi.

Ezra 10:14

Ih uliante Jerusalem ah taamsakin hi thu seam tahen. Tuasia ciang ngamdang zi nei pawpo in a kiciam hunin a khuapi tek pan tuabangin lampuite le a thukhente taw hong paikhawm tahen. Hi bangin sepna taw Pathian ii thin uukna sia thai thei tu hi,” ci thua uh hi.

Psalm Late 85:4

Hong puuapha kik ta'n, Pathian kote ngumpa awng, kote dik nong sak ngawlna thaisak in!

Pusuana 32:12

A mite mual tungah that in a mot nop manin, nangma in Egypt pan pusua pui hi banghang Egypt te in ci theisak tu ni ziam? Na thin uuk thaisak in; na ngaisutna kheal in a, na mite tungah tuasiatna tungsak heak in.

Isaiah 40:2

Jerusalem mite hanthawn vun. Amate in ngei hialma thuak zo a, tu in a mawna teng kimaisak zo hi ci in son vun. A mawna theampo atu a kicingin amate daan ka pia zo hi,” ci hi.

Isaiah 65:10

Amate in kei hong bia tu uh a, a tuute le a khuite sia a tatna tu mun ahi, nitumna sangah a om Sharon Zaangtam le nisuana sangah a om Ngimna Kuam sungah paipui tu uh hi.

Kaa late 3:53

Amate in leidum khat sungah hingtangin hong khiasuk a suang khat taw akua vang khak uh hi.

Hosea 2:15

A sapithuante ama tungah ka piakik tu a, Ngimna Kuam sia lam etna kongpi ka suaksak tu hi. A khanmoi lai Egypt ngam pan hong pusua hun bangma in tua munah ka thu hong ngai kik tu hi.

Hosea 2:17

Baal min ka losak kik ngei nawn buatu hi.

Joel 2:13

Na thin tapthapna taw in na heena lak vun; na puansilh balthapna bek sia kicing ngawl hi,” ci hi. Topa na Pathian kungah pai kik vun. Ama cingh a, hesuakna taw kidim hi; ama a thinsau a, a kamciam len hi; ama in khialna mawna maisak tu le daan piak ngawl tu in kinging tawntung hi.

Joel 2:18

Tua zawkciang Topa in ama leitang atu thinbot a; ama in a mite hesuak hi.

Jonah 1:15

Tua zawkciang amate in Jonah toaito in tuipi sungah khiasuk uh a, thakhat thu in vuipi suangval thim hi.

Zechariah 6:8

Tua zawkciang vantunglalang in hong oksan a, “Saksang Babylon ah a pai siphute in Topa thin uukna thimsak zo hi,” hong ci hi.

Mi Simna 25:8

tua pa le tua nu ii nung pan zui in Puanbuk sungah a nii in khawlet hi. Hi bangin Israel te tungah a tung natsiatna sia kivengsak a,

Thuhil kikna 13:17

A kisusia nate sung pan note atu in na khat zongh la heak vun, tuasia ciang Topa thin uukna thai in hong hesuak tu hi. Tuni in kong piak ama thupiakte theampo zui in, a deina bang na seam uh le,

Thuhil kikna 13:18

na taanghpupite tungah a kamciamsa bangin note hong hesuak in, note hong pungsak tu hi.

Joshua 10:27

Nitum ciangin Joshua in thupia a, amate buk maksakna suanghawng sungah a luangte lawnsak hi. Suangtum puite suanghawng tumna ah koi uh a, tuate tua munah om lai hi.

Joshua 7:24

Joshua le Israel mi theampo in Achan, ngunnte, a puantungsilh, khamh tawn teng le Achan ii tapate, tanute, a khui, a laa, a tuu le a tuipuanbuk, tuaciang a neisa dang teng theampo man uh hi; tuaciang amate in tuate a vekpi in Ngimna Leikuam ah paipui uh hi.

Joshua 8:29

Ama in Ai kumpipa sia thingkung khat tungah awklumsak a, nitak sang dong a luang tualai ah nusia hi. Nitum ciangin Joshua in a luang a laak natu thupia a, khuapi tumna kongpi ah kivawksuk hi. Amate in a luang sia suangtum honpui khat taw del a, tu ni dongin tua munah om lai hi.