Joshua 7:24 - Syin Chin Bible

²⁴ Joshua le Israel mi theampo in Achan, ngunnte, a puantungsilh, khamh tawn teng le Achan ii tapate, tanute, a khui, a laa, a tuu le a tuipuanbuk, tuaciang a neisa dang teng theampo man uh hi; tuaciang amate in tuate a vekpi in Ngimna Leikuam ah paipui uh hi.

Joshua 7:24 Iomraidhean Croise

Pianciilna 18:25

Mawbaang ngawlte a mawte taw thatlum khawm ngeingawl het tu ni hi. Tuasia suak thei ngawl hi! Tuabang vawt thei ngawl tu ni hi. Tuabang vawt thong lete a mawte bangma in a mawbaang ngawlte zongh daan thuak tu hi thong hi. Hi thei ngawl tu hi. Leitung theampo ii thukhenpa in thu a maan in a khen kul tu hi,” ci hi.

Job 20:15

Mi seksol pa in a nguktak haunate lua kik siat hi; Pathian in a ngilsung pan ngawngawn in tuate la kik hi.

Pusuana 20:5

Milim khat pawpo mai ah kun heak vun, ahibuale bia heak vun, banghang ziam cile keima in Topa na Pathian ka hi a, hong demte ka dual bua hi. Kei hong ngaimawte le amate ii a suan a paalte tungah khang thum khang li dongin daan ka pia tu hi.

Paunakte 15:27

Thumaan ngawlin meetna nga tu na sawm le na innkuan in ngimna sung na theng tu hi. Sumnguk ne heak in tua hile na khansauzaw tu hi.

Thuhilsya 5:13

Hi leitung ah a lauhuai ka mu thu khat om hi: mihingte in a kitaangsap uh ciang a zak tu in a sum tawm uh hi,

Isaiah 65:10

Amate in kei hong bia tu uh a, a tuute le a khuite sia a tatna tu mun ahi, nitumna sangah a om Sharon Zaangtam le nisuana sangah a om Ngimna Kuam sungah paipui tu uh hi.

Hosea 2:15

A sapithuante ama tungah ka piakik tu a, Ngimna Kuam sia lam etna kongpi ka suaksak tu hi. A khanmoi lai Egypt ngam pan hong pusua hun bangma in tua munah ka thu hong ngai kik tu hi.

Joshua 15:7

Ngimna Kuam panin Debir ah, tua zawkciang saksang ah kiheak a, tua kuam ii thangsang a om Adummim Mualciangh sia a maingat Gilgal sang sun hi. Tua zawkciang Enshemesh ciktuite ah paitanin, tua mun pan Enrogel ah paisuak hi,

Joshua 22:20

Zerah tapa Achan phawk vun, ama in a kiningkhiin nate taw kisai thupiakna sia ni nuam ngawl hi; Israel taangpi bup sia tua huvau in daan hong kipia hi. Achan mawna hu in a thi sia ama bek hi ngawl hi.”

Joshua 6:18

Ahizong a kisusia tu nate khat zongh la thei ngawl tu nu hi; tuabang na ngamta uh le ngimna le lalna Israel te ngiaphual ah tungsak tu nu hi.

Joshua 6:21

A namsau uh taw khuapi sung a om mi theampo, nupi, pasal, a moi, a haam thatlum siat uh hi. Amate in khui, tuu le laa te zongh thatlum siat uh hi.

Joshua 7:1

A kisusia tu na khat pawpo Jericho pan a laak ngawl natu Topa ii thupiakna kizui ngawl hi. Achan a kici pasal khat in tua thupiak sia ni ngawl hi, tua ahikom Topa sia Israel te tungah a thin so hi. (Achan sia Carmi ii tapa, Zabdi ii tupa hi a, Zerah ii bee le phung, Judah nam sungah a kihel khat ahi hi.)

Joshua 7:23

Amate in tua vanhte puanbuk pan la in Joshua le Israel mi theampo ii kung Pathian mai ah lui uh hi.

Joshua 7:26

Amate in ama luang tungah suangtum khawlpui khat seng uh hi, tuasia tu ni dongin om hi. Tua hu in tua mun sia Ngimna Kuam kici lai hi. Tuasia ciang Topa a thinso nawn ngawl hi.