Joshua 7:16 - Syin Chin Bible

¹⁶ A zing ciang zingtuungin Joshua in Israel te nam khat zawkciang nam khat mai ah a paisak ciang Judah nam kitealtuam hi.

Joshua 7:16 Iomraidhean Croise

Pianciilna 22:3

A zing ciang zingsang tuungin Abraham in biakpiak natu in thing pawlkhat tan a, a laa tungah suanh in a tapa Isaac le a naseamte nii taw, Pathian ii sawlna munah pai tu in ding uh hi.

Psalm Late 119:60

Na thupiakte zui natu ka haisaang bua a, ka manlang hi.

Thuhilsya 9:10

Na sep pawpo hanciam in seam in, banghang ziam cile mithite ngamah, tukna, dianna om ngawl, khua ngaisutna, heakna, ciimna om ngawl tu hi — tua mun sia na zotna tu mun ahi hi.

Joshua 3:1

A zing ciang zingsang in Joshua le Israel te tho pal a, Acacia ah a ngiaphual sia nusia in Jordan ah pai in, a kaantan tu ngakin tua munah ngiaphual saat uh hi.

Joshua 7:15

Pasal khat kiteal in a kiningkhiin vanhte taw kiman pa sia a innkuanpuite le a neisa theampo taw kihal tu hi, banghang ziam cile ama in a kiitakhuai mama maizumna Israel te tungah tungsak a ka thuciam paltan hi.

Joshua 7:17

Ama in Judah namte, mai ah paisak a, phung khat zawkciang phung khat a paisak ciang Zerah bee le phung kitealtuam hi. Tua zawkciang ama in Zerah beeta sung innkuan khat zawkciang innkuan khat, mai ah a paisak le Zabdi ii innkuan kitealtuam hi.

Thukhente 20:19

Tua ahikom Israel te a zing kik ciang hong kipan uh a, Gibeah khuapi hui ah ngiaphual saat uh hi.