Joshua 7:11 - Syin Chin Bible

¹¹ Israel te in mawna vawt zo hi! Amate ii let tu in ka thupiak, kei taw thukimna sia len ngawlin paltan zo hi. Suksiat tu in a kiningkhiin na pawlkhat amate in la zo hi. Amate in ngu a, tuate huvau iim in amate ii vanh taw koi khawm hi.

Joshua 7:11 Iomraidhean Croise

2 Kumpite 18:12

Samaria khua bo hi, banghang ziam cile Israel in Topa a Pathian ii thu ni ngawl hi, tua banah amate taw thuciam a vawt te zongh paltan uh a, Topa naseampa Moses ii thukham a piakte theampo zongh ni ngawl uh hi. Amate in za nuam ngawl a, ni nuam ngawl uh hi.

2 Kumpite 5:24

Amate sia Elisha teenna mualtung a thet ciang Gehazi in ipte nii saangin inn sungah sungtan pui hi. Tua zawkciang ama in Naaman ii naseamte ciasak hi.

Isaiah 24:5

Mihingte in Pathian thukhamte paltan na taw le a tawntungin a kikhomsuan tu a vawt thuciamna a siatsakna taw leitang ninsak uh hi.

Jeremiah 31:32

Tua thuciamna sia a taanghpupite a khut uh pan kai in Egypt ngam pan ka pusua pui lai a, a taanghpupite taw ka vawt uh thuciamna lui taw kibang ngawl tu hi. Keima sia amate ii a pasal bang hi napi amate in tua thuciamna zui ngawl uh hi.

Hosea 6:7

“Ahihang amate in Adam ngam sungah a tum po ciang amate taw thuciamna ka vawt sia paltan uh hi.

Thiampite 5:15

Mihing khat pawpo in tup khol ngawlin Topa tungah biakna taw kisai a thiangtho nate pia ngawlin a khial le ama in khialphel biakpiakna in a mealhem ngawl tuutal ahibuale kealtal khat Topa tungah pia tu hi. A man sia a khensat ngeina om bang kikhensat tu hi.

Habakkuk 2:6

Ngallelte in ngalzote thato tu a, huasaakna lak tu hi. Amate in, “Noma neisa ahi ngawlte laaksak nu hi, ahihang a lal na hi uh hi! Note tungah leei hong bate zawthawk thu in na siikna taw bang tanvei na hau tan lai tu uh ziam?” ci tu uh hi.

Zechariah 5:4

Vaanglianbelpa Topa in tua haamsiatna ka tungsak tu a, tuasia in nguta pawpo ii inn le, kiciamna taw leilot thuson pawpo ii inn te sungah tum tu hi ci hi. Tua haamsiatna sia amate inn sungah teang tu a, tua innte a lalcipsa in kinusia tu hi,” hong ci hi.

Matthew 22:21

“Kumpilianpa aa hi” ci in zo uh hi. Tua ahikom Jesus in, “Pha hi, Kumpilianpa sum sia Kumpilianpa na pia vun a, Pathian sum sia Pathian na pia vun,” ci hi.

Sawltakte 5:9

Tua ahikom Peter in ama tungah, “Banghangin nang le na pasal in, Topa ii Thaa sia ze et nu ziam? Na pasal a phumte sia tu laitakin, kongbiang ah om hi, nangma zongh amate in hong pua tu a, hong pusuapui tu hi!” ci hi.

Thuhil kikna 17:2

“Sonteena in na khuate uh khat sungah pa ahibuale numei khat sia pathian dangte ahibuale ni, tha, aksite a biakna taw

Hebrew te 4:13

Pathian mai ah bangma a kiseal thei bua hi; bitphua sa na theampo sia ama mai ah kipualaak siat hi. Tuaciangin ih sep ih vawt sa theampo tungah thu hong sit tu sia ama ahi hi.

Joshua 23:16

Topa na Pathian ii na kepcing tu in hong thupiak thuciam sia keam ngawlin pathian dangte na seamin na bia uh le ama in a thin uuk tutna in note daan hong pia tu a, ama hong piaksa hi ngam hoi ngam phana ah hai ngawlin kuama na om nawn buatu uh hi.

Joshua 7:1

A kisusia tu na khat pawpo Jericho pan a laak ngawl natu Topa ii thupiakna kizui ngawl hi. Achan a kici pasal khat in tua thupiak sia ni ngawl hi, tua ahikom Topa sia Israel te tungah a thin so hi. (Achan sia Carmi ii tapa, Zabdi ii tupa hi a, Zerah ii bee le phung, Judah nam sungah a kihel khat ahi hi.)

Joshua 7:10

Topa in Joshua mun ah, “Thoto in! Banghangin hi bangin lei ah lum ni ziam?

Thukhente 2:20

Tuasia ciang Topa sia Israel te tungah thin uuk mama a, “Hi minam in a taanghpupite tungah a kepcing tu in thu ka piaksa thuciam sia paltan hi. Amate in kei thu hong ni ngawl ahikom,

1 Samuel 14:38

Tuasia ciang Saul in mipi lampuite munah, “Hi sungah hong pai tavun a, tuni in bang mawna vawt hi ziam, kan vun.