Joshua 6:5 - Syin Chin Bible

⁵ Tua zawkciang, amate in lemle aw a sau in khatvei muut tu hi. Tuasia na zaak po ciang pasalte a vekpi in a nging tak au khat sua tu uh a, tuasia ciang khuapi uumna luphungte cimhtham tu hi. Ngalkap hon bup sia a taangtan in khuapi sungah tum tu uh hi,” ci hi.

Joshua 6:5 Iomraidhean Croise

Pusuana 19:19

Lemle aw hong nging vaial hi. Moses in paupui a, Pathian in vanto taw in zo kik hi.

Isaiah 25:12

Topa in Moab te ii a muanhuai luphung saangte susia in leivui suaksak tu hi.

Isaiah 30:25

Na ngalte ii kulhte a kilaak ni ciang le a mite a kithalup ni ciang, muallian le mualnote theampo tung panin luitui luang tu hi.

Jeremiah 50:15

Khuapi kiimkot ah ngal thotna aw taw au vun! Tu in Babylon in ngallel zo hi. A khuapi luphungte sulet zo a cimhtham zo hi. Keima in Babylon te tungah phu ka la hi. Tua ahikom amate tungah phulam vun a, midangte tungah a vawt uh bangin amate tungah vawt vun.

Hebrew te 11:30

Israel mite Jericho khua ni sali kiimkotin a pai zawkciang tua khua luphungte a cip thapna in upna hang ahi hi.

Joshua 6:16

A salivei a kiimkotna, thiampite in lemle tum tu in a kipat ciang, Joshua in a mite a au keak natu thupia a, “Topa in khuapi sia no hong pia zo hi!

Joshua 6:20

Tua ahikom thiampite in lemle tum hi. Mipite in tuasia a zaak poma ciang nging takin au uh a, tuaciang luphung pangte cimhtham hi. Tuaciang ngalkap hon bup sia a maisan tek mual tungah kaato in khuapi sungah tum a, tua khuapi la uh hi.

Joshua 6:4

Thiampi sali sia lemle khat tek toai in Thuciamna Thingkuang mai ah pai tu hi. A ni sali ni ciangin nang le na ngalkapte sia khuapi kiimkot salivei pai tu nu hi, tuasia laitak thiampite in lemle tum tu uh hi.

Joshua 6:6

Joshua in thiampite sam a, amate tungah, “Thuciamna Thingkuang la vun a, no sung pan sali sia lemle khat tek toai in a mai ah pai vun,” ci hi.

Thukhente 20:37

Hi mite Gibeah sangah manlang tak tai a; amate khuapi sungah kiphalin tuasung ah a om theampo thatlum uh hi.

1 Samuel 17:20

A zing ciang zing tuungin David tho in, tuute a en tu mi dang khat vaipuak pia a nguai an heang in, Jesse sawlna ah pai hi. Israel te ngalmai ah ngalsim tu in kuan a, hanla a sam laitakin David theng hi.

1 Samuel 17:52

Israel mite le Judah mite au in amate del a, Gath le Ekron kongpite dong zuizen uh hi. Shaaraim paina lampi Gath le Ekron dong lamdung ah Philistine te liamin puk uh hi.

1 Samuel 4:5

Thuciamna Thingkuang hong thet ciangin Israel te nasia takin lungdamna taw au ahi uh ciang, lei liing liang hi.