Joshua 6:27 - Syin Chin Bible

²⁷ Tuabangin Topa sia Joshua taw omkhawm a, ama ii minthanna sia ngam bup ah kizel hi.

Joshua 6:27 Iomraidhean Croise

Pianciilna 39:21

Ahihang thong ukpa ii Joseph tungah a lungkim natu in Topa in Joseph panpui a, thupha pia hi.

2 Samuel 7:9

Na paina po ah nang taw kong omkhawm a, maisang na manaw ciang na ngalte theampo ka zo siat hi. Leitung ah lampui lianbel te bangin kong minthangsak tu hi.

1 Khangtaanghthu 14:17

David ii minthanna mun theampo ah kizel a, Topa in minam theampo in ama kiitasak hi.

Esther 9:4

Mordecai sia tu in kumpi inn sungah a vaang nei pa hi ci in, kumpi ukna ngam theampo ah a minthang a, tuaciang a vaangletna khang vaial hi.

Matthew 14:1

Tua hun laitakin Galilee ngamukpa Herod in Jesus thu za hi.

Matthew 18:20

Banghang ziam cile ka min taw nii le thum kikhopna sungah amate taw ka omkhawm hi,” ci hi.

Matthew 28:20

tuaciang ka thu piakte theampo a zui natu hil tavun. Tuaciang hun bo dongin note taw kong omkhawm tawntung tu hi,” ci hi.

Matthew 4:24

Ama thu sia Syria ngam bup ah kizel ahikom mihingte in ama kungah ciina theampo, natna satna le mealhem theampo: doai veite, butthi theite, langngawte, paipui in — Jesus in damsak siat hi.

Thuhil kikna 31:6

Na thin khosak vun a, kimuang vun. Amate kiita heak vun. Na Pathian, Topa ama mama in note hong ompui tu hi. Ama in note hong lelsak ngawl tu a, hong taisan ngawl tu hi,” ci hi.

2 Timothy 4:17

Ahitazong Topa sia kei kungah hong om a, thahatna hong pia hi. Tuasia ciangin Gentile te theampo ii a zaak tu in ngupna thu a cing in ka thangsak thei hi; tuaciang kei sia thidaan panin hong suaktasak hi.

2 Timothy 4:22

Topa sia nangma ii thaa taw hong om tahen. Pathian ii thuthiamna sia note theampo taw hong om tahen.

Joshua 1:5

Joshua awng, na nuntak lai teng nang sia kuama in hong zo zo ngawl tu hi. Moses ka ompui bangma in nang kong ompui tu hi. Nang taw a tawntungin kong omkhawm tu hi; nang kong nusia buatu hi.

Joshua 1:9

Thin takkhana le kimuanna nei tu in kong thupiak sia ciamtee in! Lau heak in a, na thin kiamsak heak in, banghang ziam cile Kei, Topa na Pathian sia na paina theampo ah nang taw kong omkhawm hi,” ci hi.

Joshua 9:1

Israel te ngalzawnate Jordan nitumna sang kumpi theampo — mualte, mualpeangte le Mediterranean Tuipi vaal zaangtam theampo saksang Lebanon dong kihe hi; hite sia Hit, Amor, Canaan, Periz, Hiv le Jebus kumpipa te uk sung ngamte ahi uh hi.

Joshua 9:3

Ahihang Jericho le Ai khuate Joshua in bang law ci sia Hiv minam Gibeon mite in za uh hi,

Joshua 9:9

Tuasia ciang amate in hi bangin son uh hi: “Topa awng, ko sia ngam khuala mama na khat pan hong pai khu hi, banghang ziam cile Topa na Pathian huvau za khu hi. Egypt ngam a, a sep a vawt theampo ka za uh hi,

1 Samuel 18:14

tuaciang a sim theampo zo hi, banghang ziam ci le Topa in ama ompui hi.

1 Samuel 2:30

Keima, Israel te ii Topa Pathian in na innkuan le na phung sia keima thiampi seam tawntung tu hi, ci in a bosa hun sungah kamciam ka pia hi. Ahihang tu ahile kong cina pan, tuasia len nawn ngawl khi hi! Tua sangin kei hong patoai te ka patoai tu a, kei hong simmaw te ka ngaimawk vawt tu hi.