Joshua 6:22 - Syin Chin Bible

²² Joshua in thudawpku in a paisak te nii sam a, “Pumpi zuak numei nu inn sungah tum tavun a kamciam na piaksa uh bangma, ama le a innkuanpuite hong pusua tavun,” ci hi.

Joshua 6:22 Iomraidhean Croise

2 Samuel 21:2

(Gibeon mite sia Israel mi hi ngawl a; amate sia, Israel te in hut tu dal tu in kamciam a piaksa Amor mi pawlkhat hi napi, Israel mite in Judah mite atu a deisak leilam manin Saul in tuate mot tu in hanciam hi.)

2 Samuel 21:7

Ahihang Jonathan taw a thiangtho kamciamna a piak hu in, David in Saul ii tupa, Jonathan ii tapa, Mephibosheth khoaikhe hi.

Psalm Late 15:4

Pathian ii nilte sia amate zongh in thusim ngawl tu hi, ahihang Topa thu a nite sia amate in patoai tu hi. Bangza po supna keak a om tu ahi hial zong, amate in a kamciam bangin vawt tawntung hi.

Ezekiel 17:13

Ama in kumpipa innkuanpuite khat la in, thukimna khat vawt a, ama ii tungah a thumaan tu in kiciamsak hi. Ama in mi thupite luangkhaam tu in ciapui hi,

Ezekiel 17:16

“Keima a nungta Pathian ka hi takpi bangma hi kumpipa in a kiciamna le ama kumpi tokhum tungah a koi Babylon kumpipa taw a vawt thukimna paltan ahi hu in Babylon ah thi tu hi.

Hebrew te 11:31

Pumpi zuak numei Rahab sia Pathian thu a ni ngawlte taw a kithalup khop ngawl natu in a keam sia upna ahi hi. Banghang ziam cile ama in, Israel te ii ngalvilte pawlvawt in zindo hi.

Joshua 6:17

Khuapi le a sungah a om theampo sia, Topa tungah piakkhiatna khat bangin kilalcipsak siat tu hi. Numei pumpi kizuak Rahab le a innkuanpuite bek kikhoaikhe tu hi, banghang ziam cile ama in ih thudawpkute hong sealsak hi.

Joshua 6:23

Tua ahiciang amate in Rahab sia a pa, a nu, a suapui pate le a innkuanpui dang teng taw hong pusua uh hi. Amate in tua innkuante le a silate dongin a vekpi la in Israel te ngiaphual nai ngam muanna khat ah koi uh hi.

Joshua 9:15

Joshua in tua Gibeon mite taw kipawl thei natu kilemna kamciam kho khat vawt in, amate khoaikhe hi. Israel taangpi lampuite in tua kilemna thuciam kho sia a kholet natu kamciam pia uh hi.

Thukhente 1:25

Tua ahikom ama in lak a, tuasia ciang Ephraim le Manasseh mite in tua pasal pa le a innkuanpui teng simngawl mon siat uh hi.