Joshua 6:21 - Syin Chin Bible

²¹ A namsau uh taw khuapi sung a om mi theampo, nupi, pasal, a moi, a haam thatlum siat uh hi. Amate in khui, tuu le laa te zongh thatlum siat uh hi.

Joshua 6:21 Iomraidhean Croise

1 Kumpite 20:42

Tuasia ciang kamsaangpa in kumpipa munah, “Hi sia Topa ii kammal hi: ‘Thalup tu in kong thupiak pa suaktasak na hikom nangma in na nuntakna taw lul tu ni hi, tuaciang ama ii ngalkaphonpi na suataksak hu in nangma ngalkaphonpi kisusia tu hi,’ ” ci hi.

Jeremiah 48:18

No, Dibon khua ah a teangte awng, na minphatna mun panin hong tuaksuk tavun a leivui sungah hong to tavun; Moab a siasak pa sia hi sungah om a, a kulhte siacip in nusia zo hi.

Thuhil kikna 13:16

Tua munah a teang mihingte ii neisa theampo khawmtua in khua laizang khawlmun ah seng vun. Topa na Pathian tungah biakpiakna in tua khua le a sungah a om teng hal siat vun. A tawntungin tua khua sia a lal in kinusia tu a, khua kisaat kik ngei nawn ngawl tu hi.

Thuhil kikna 2:34

Tua hun laitak ma in khua theampo la in ih lalcipsak a, pasal, numei, patang ih thatlum siat hi. Khat zongh ih khoaikhe bua hi.

Thuhil kikna 7:16

Topa na Pathian ii na khut sungah hong piak minam theampo mon vun, hesuak heak vun. A pathiante bia heak vun, banghang ziam cile thitheina piang tu nu hi.

Joshua 10:28

Joshua in Makkedah khua sim a, a zaw ni in a kumpipa man hi. A khua mi theampo khat zongh hingkhoai ngawlin that siat hi. Jericho kumpipa a vawt bangma in Makkedah kumpipa tungah vawt hi.

Joshua 10:39

Ama in tua khua le a kumpipa, tuaciang a naina khua theampo la hi. Tua mun a om theampo thatlum siat uh hi. Hebron, tuaciang Libnah a kumpipa tungah a vawt bangin Joshua in Debir le a kumpipa tungah vawt hi.

Joshua 11:11

Tua munah a om theampo thisak uh hi; kuama kihingkhoai ngawl a, a khuapi kihaltum hi.

Joshua 11:14

Israel mite in hi khuapite sung pan vanh manphate le ngannote theampo amate atu in la uh hi. Ahihang amate in mihing theampo thatlum uh a, khat zongh khoaikhe ngawl hi.

Joshua 8:2

Jericho le a kumpipa tungah na vawt uh bangin Ai le a kumpipa tungah na vawt tu uh hi; ahihang tu sia hun ciang vanhte le ngannote noma neisa tu in na keam thei tu uh hi. A muanmawk ngawl het tu in khuapi sia a nungsang pan sim tu in kithoai vun.”

Joshua 8:22

Khuapi sungah a om Israel te sia tu in ngalsim pui tu in hong paisuk uh hi. Tuabangin Ai mite sia Israel te in kiim uum cip zo ci in kimu a, tua zawkciang amate a vekpi in thalup thuak uh hi. Kuama tai ngawl a,

Joshua 9:3

Ahihang Jericho le Ai khuate Joshua in bang law ci sia Hiv minam Gibeon mite in za uh hi,

Thupualaakna 18:21

Tua zawkciangin vantunglalang a thahat khat in, an ngoaina suang cia a lian suang khat la in tuipi sungah deangsuk a, hi bangin ci hi. “Khuapi lian mama Babylon sia hi bangin kilawn suk tu a, a kimu kik nawn buatu hi.

1 Samuel 15:3

Kuan ta'n a, Amalek te a neisa theampo uh taw a vekpi in susia cip in. Na khat zongh khoaikhe heak in: pasal, numei, patang le nausen; a khui, a tuu, a kalaoh le a laate thatlum siat in,” ci hi.

1 Samuel 15:8

ama in Amalek kumpipa Agag a hingtang in man a, tuaciang a mite theampo thatlum hi.