Joshua 6:18 - Syin Chin Bible

¹⁸ Ahizong a kisusia tu nate khat zongh la thei ngawl tu nu hi; tuabang na ngamta uh le ngimna le lalna Israel te ngiaphual ah tungsak tu nu hi.

Joshua 6:18 Iomraidhean Croise

2 Samuel 21:1

David ii kumpi in a maan hunsungin kum thum sitset kialpi nasia khat tung hi. Tua hi a, David in Topa munah tuasia thu a dok ciang, Topa in, “Saul le a bangkua in mihing that mawna vawt hi; ama in Gibeon mite thatlum hi,” ci hi.

Thuhilsya 9:18

Ciimna in ngalhiamte sangin a pha seam thei zaw a, ahizong mihing khial khat in na pha tam mama lalsak thei hi.

Jonah 1:12

Jonah in, “Tuipi sungah hong khia tavun, tua hile vuipi suangval thim tu hi. Hi a lauhuai vuipi suangval na taw uh sia keima khialna hang a hina thu he khi hi,” ci in zo hi.

Romete 12:9

Ki itna in thin tak ahi tu thupi hi. A sia theampo ensan vun a, a pha ci theampo keamcing tavun.

2 Corinth te 6:17

Tuaciangin Topa in, “Amate nusia nanak in a, amate taw kikhen tavun. A thiangtho ngawlte taw kipeena bangma nei heak vun, tua hile note kong saang tu hi, ci hi.

Ephesus te 5:11

Mihingte ii sep le vawt khuazing taw a kipawl a mannung ngawlte na thutha heak vun a, tua ngamtatnate khuavak sungah then siat zaw tavun.

Thuhil kikna 13:17

A kisusia nate sung pan note atu in na khat zongh la heak vun, tuasia ciang Topa thin uukna thai in hong hesuak tu hi. Tuni in kong piak ama thupiakte theampo zui in, a deina bang na seam uh le,

Thuhil kikna 23:10

Pasal khat zan a mut lanin a bawtui tee in a thiang ngawl a suak le, ama ngiaphual pua sangah pusuakin tualai ah om tu hi.

Thuhil kikna 7:26

Hi milimte khat zongh na inn ah ciapui heak vun, na ciapui uh le amate tungah haamsiatna sia ma note tungah tung tu hi. Hi milimte zawngsak in na ensan tu uh hi. banghang ziam cile tuate sia Topa haamsiatna nuai ah om hi.

James 1:27

Pa Pathian ii a thiangtho le biakna tatak hi ci in, a ngaisut sia hi teng hi: tangate le meingongte ii thuakna sung pan khoi natu le leitung siatna panin eima le eima kikep natu ahi hi.

Joshua 7:1

A kisusia tu na khat pawpo Jericho pan a laak ngawl natu Topa ii thupiakna kizui ngawl hi. Achan a kici pasal khat in tua thupiak sia ni ngawl hi, tua ahikom Topa sia Israel te tungah a thin so hi. (Achan sia Carmi ii tapa, Zabdi ii tupa hi a, Zerah ii bee le phung, Judah nam sungah a kihel khat ahi hi.)

Joshua 7:13

Thoto in! Mipite thiansua in a, ka mai ah hong pai tu in kingingsak in. Zing ciang a kinging kholsa in a om natu son in, banghang ziam cile Kei, Israel ii Topa, Pathian in hi teng son tu ka nei hi: ‘Israel awng, suksiat tu a thu kong piak vanh pawlkhat la nu hi! Hi nate na suksiat uh mateng na ngalte na zo buatu uh hi.’

Joshua 7:15

Pasal khat kiteal in a kiningkhiin vanhte taw kiman pa sia a innkuanpuite le a neisa theampo taw kihal tu hi, banghang ziam cile ama in a kiitakhuai mama maizumna Israel te tungah tungsak a ka thuciam paltan hi.

Joshua 7:25

Joshua in, “Banghangin tazata ngimna ko tungah hong tungsak ni ziam? Topa in tu in nang ngim hong pia tu hi!” ci hi. Mi theampo in Achan sia suangtum taw deanglum hi; amate in a innkuanpuite le a neisa theampo zongh deangin haltum uh hi.

1 John 5:21

Ka tate awng, a maan ngawl pathiante panin noma le noma na kikeam tavun!

1 Samuel 15:9

Ahihang Saul le a mite in Agag ii nuntakna sia khoaikhe a, tuaciang a tuu le a khui a phabel teng, khuino le tuuno a phabel teng le na a pha theampo khe in, a man nei ngawl le a mannung ngawl teng bek susia uh hi.