Joshua 6:17 - Syin Chin Bible

¹⁷ Khuapi le a sungah a om theampo sia, Topa tungah piakkhiatna khat bangin kilalcipsak siat tu hi. Numei pumpi kizuak Rahab le a innkuanpuite bek kikhoaikhe tu hi, banghang ziam cile ama in ih thudawpkute hong sealsak hi.

Joshua 6:17 Iomraidhean Croise

Pianciilna 12:3

Nangma thupha hong piate thupha ka pia tu a, Ahihang nangma hong haamsiatte ka haamsiat tu hi. Nang tungtawnin minam theampo thupha ka pia tu hi,” ci hi.

Ezra 10:8

mipi lampuite ii thupiak bangin kizasak hi. Ni thum sungin a pai ngawl a om le, a neisa theampo kimatsak tu a, taangpite sungah pawlmi suak thei nawn ngawl tu hi.

Isaiah 34:6

Topa namsau sia amate ii a chi le a thau taw kituam tu a, biakpiakna in a kinei tuu le kealte ii chi le thaute taw kibang tu hi. Topa in hi biakpiakna sia Bozrah khuapi ah pia tu hi; ama in hisia Edom ngam sungah kithalupna lian mama khat suaksak tu hi.

Jeremiah 46:10

Tuni sia Vaanglianpipa Topa, Vaanglianbelpa ii ni hi: tuni in ama in phula tu hi; tuni in ama in a ngalte daan pia tu hi. A namsau in a kham dong amate ne tu a, a lungkim dong a chi dawn tu hi. Tuni in Vaanglianbelpa in saksang Euphrates ngunhui ah a ngalmatte biakpiakna in nei hi.

Ezekiel 39:17

Vaanglianpipa Topa in kei tungah, “A thithei mihing awng, amate atu ka vawt sangaw biakpiakna sate ne tu in, kiim le paam theampo pan vacim le nganhingte theampo hong pai natu in sam in. Tua in Israel mual tungah poaipi khat hi tu a, tua munah sa ne in chi dawn thei tu uh hi.

Thiampite 27:21

Piakkikna Jubilee kum a cin kik ciang tua lo a tawntungin Topa neisa suak tu a; thiampite in tang tu hi.

Micah 4:13

Topa in, “Jerusalem mite awng, pai vun a, na ngalte daan pia vun! Thikkii a nei le taau peangcin a nei khuital khat za in kong hatsak tu hi. Note in minam tam mamate tuanhpeak in, ngongtatna taw a nga, nei le lamhte keima, leitung buppi ii Topa nong pia tu uh hi,” ci hi.

Matthew 25:40

Kumpipa in, ‘A maan tak ka ci ciang, hi ka suapuite a nobel khat tungah na vawt uh sia kei tung a hong vawt na hi uh hi!’ ci in zo tu hi.

1 Corinth te 16:22

Topa a it ngawl po haamsiatna thuak tahen! Maranatha — Ih Topa hong pai tahen!

1 Corinth te 2:7

Tua ka thansak ciimna thu sia mihingte ii heak ngawl tu in a kiseal Pathian ii ciimna thuku hi a, ahihang eite minthanna tu in, leitung pian ma ngawngawn in, Pathian koi sa thu ahi hi.

Galatia te 3:10

Thukham zuina a suangte sia haamsiatna nuai ah nungta hi. Banghang ziam cile laithiangtho in, “A kuama po Thukham laibu sungah a ki at teng a vekpi in a zui tawntung ngawlte sia Pathian ii haamsiatna nuai ah om hi!” ci hi.

Galatia te 3:12

Ahihang Thukham in, upna taw a kisaina bangma om ngawl hi. “A kuama po thukham deina a vekpi in a seam peuma nungta tu hi,” laithiangtho in ci zaw hi.

Thuhil kikna 20:17

Topa ii hong thupiakna bangin a mihing theampo, Hit te, Amor te, Canaan te, Periz te, Hiv te le Jebus te mon vun.

Hebrew te 11:31

Pumpi zuak numei Rahab sia Pathian thu a ni ngawlte taw a kithalup khop ngawl natu in a keam sia upna ahi hi. Banghang ziam cile ama in, Israel te ii ngalvilte pawlvawt in zindo hi.

Hebrew te 6:10

Pathian sia a maan ngawlin a ngamta ngei bua hi. Ama in na a sepnate ahizong, ama ii tungah itna na lakna uh ahi, Tapidawpui te ii tungah huna na piakte le na piapiak laite sia hong makngilsak ngawl tu hi.

James 2:25

Numei pumpi zuak Rahab zongh tuabang ma hi. Ama in Pathian mai a thutang a sua sia a ngamtatna pan hi, Israel thudawpkute huna pia in lampi dang khat panin, a suataksak ngamtatna pan ahi hi.

Joshua 2:1

Tua zawkciang Joshua in thudawpkute nii sia Acacia ngiaphual panin paisak a, Canaan ngam, a tuanin Jericho khuapi vilku tu in thupia hi. Amate ngeal sia khuapi sung hong thet uh ciangin pumpi kizuak numei Rahab ii inn ah zan taam uh hi.

Joshua 2:22

Thukankute mual kawm ah pai in buu uh hi. Kumpipa mite in amate sia ni thum tangciing mun theampo ah zong uh hi, ahihang mu ngawl ahikom amate Jericho khua ah heak kik uh hi.

Joshua 7:1

A kisusia tu na khat pawpo Jericho pan a laak ngawl natu Topa ii thupiakna kizui ngawl hi. Achan a kici pasal khat in tua thupiak sia ni ngawl hi, tua ahikom Topa sia Israel te tungah a thin so hi. (Achan sia Carmi ii tapa, Zabdi ii tupa hi a, Zerah ii bee le phung, Judah nam sungah a kihel khat ahi hi.)

1 Samuel 15:3

Kuan ta'n a, Amalek te a neisa theampo uh taw a vekpi in susia cip in. Na khat zongh khoaikhe heak in: pasal, numei, patang le nausen; a khui, a tuu, a kalaoh le a laate thatlum siat in,” ci hi.

1 Samuel 15:6

Ama in a taanghpupite in Egypt pan a pusua uh lai in Israel te tungah a dik Ken te tungah a kidop natu kam thaak hi. Tuate munah, “Pai vun a Amalek te nusia vun, amate taw cipin kong thalup ngawl natu in tai vun,” ci hi. Tua ahikom Ken te in khua a nusia uh hi.