Joshua 5:2 - Syin Chin Bible

² Tuaciang Topa in Joshua munah, “Thau suang taw naam pawlkhat vawt in a, Israel te vunteap atsak in,” ci hi.

Joshua 5:2 Iomraidhean Croise

Pusuana 4:25

Tuasia ciang a zi Zipporah in suanghiam khat la in a tapa ii vunteap attansak a, tuasia taw Moses ii peang kithuthasak hi. Vunteap at ngeina zeksa hangin a zi in Moses tungah, “Nang sia kei tungah chisan taw kipawl ka pasal hi ni hi!” ci hi. Tua ahikom, Topa in Moses ii nuntakna khoaikhe hi.

Romete 2:29

Jew tatak a kicite sia a sungsang Jew hi a, a thinsung vunteap a ki at, tua zongh Pathian Thaa ii sepna taw a ki at hi in, thukham ii sep le vawt ahi ngawlte hi. Hi bang mite in mihingte pokna hi ngawlin Pathian pokna saang uh hi.

Romete 4:11

Ama sia a khak sang ciangin a vunteap at pheang hi. Vunteap a atna zongh, Abraham in Pathian um ahikom Pathian in ama a vunteap a at ma in thutang hi ci a tepteena lim ahi hi. Tua ahikom Abraham in Pathian um a, thutang hi ci in ama ii a saante theampo, a vunteap at vateal ta buale kuama theampo ii thaa lamsang ah a pa uh ahi hi.

Thuhil kikna 10:16

Tua ahiciang tu pan kipan Topa thu ni tavun a, na thinpuisak nawn heak vun.

Thuhil kikna 30:6

Na thin theampo taw ama na it natu uh le tua ngam ah na teen suak thei natu uh in Topa na Pathian in note le na suan na paalte tungah thu nit nopna thin hong pia tu hi.

Colossae te 2:11

Jesus taw kikopna sungah note vunteap at sa na hi uh a, mihing vunteap atzia taw hi ngawlin, hi mawna pumpi thahatna pan hong suatak Christ vunteap atzia taw hong ki at zo hi.

Joshua 5:3

Joshua sia Topa sawl bangin ngamta hi, tuaciang ama in Vunteap atna Mual a kici na munah Israel te vunteap atsak hi.