Joshua 5:10 - Syin Chin Bible

¹⁰ Jericho hui zaangtam, Gilgal ah Israel te ngiaphual a saat laitakin, tua tha a ni sawm le ni li ni nitak sangin Paisan Poai khaam uh hi.

Joshua 5:10 Iomraidhean Croise

2 Samuel 15:28

Tua lanin nang tung pan thuthak ka zaak dong ngun kanna pan kong ngak tu hi,” ci hi.

Pusuana 12:11

Hi ante manlang takin na ne tu uh hi, banghang ziam cile khualhaw tu in peangdapte thua in, na khut sungah ciangkhut toai a, na kithoai uh kul tu hi. Tua in keima Topa tungah zatak piakna Paisan Poai ahi hi.

Pusuana 12:18

Tha masabel ni sawm le ni li nitak pan ni kul le ni khat nitak sang dong tol kisaw anluum ne ngawl tu nu hi.

Pusuana 12:6

Tuaciang tua tha ni sawm le ni li nitak ciang Israel mi bup in tua ngante ngo tu uh hi.

Jeremiah 39:5

Ahihang Babylon ngalkaphonpi in delin Jericho khua nai zaangtam ah Zedekiah man uh hi. Tuasia ciang amate in Zedekiah sia Hamath ngamsung Riblah khua ah a om Nebuchadnezzar kumpipa kungah paipui uh a, tua munah Nebuchadnezzar in ama tungah thukhen hi.

Ezekiel 12:3

“Tu in, a thithei mihing awng, ngaltai khat ii vawt tu bangin vanh khat heang in khuazin ma in ding in. Mun khat nusia in mundang khat na zot sia a kuama theampo in musak in. Tua hile a langpante in nang hong phawk tha tu hi.

Thiampite 23:5

Topa patoaina in a kivawt Paisan Poai sia tha masabel ni sawm le ni li ni, nitum ciang kipan hi.

Micah 6:5

Ka mite awng, Moab kumpi Balak in note bang law hong sawm a, Beor tapa Balaam in bangbang zo kik ziam cisia phawk kik vun. Acacia ngiaphual pan Gilgal paina lampi ah a piang teng phawk kik vun. Hite phawk kik vun, tua hile note kong ngup natu in ka septe phawk tu nu hi,” ci hi.

Joshua 4:19

Mipite sia a tha khatna ni sawm ni in Jordan kaantan uh a, Jericho ii nisuana sangah a om Gilgal ah ngiaphual saat uh hi.

Joshua 5:11

A khuavak ni sia Canaan ngam ah a kiciing ante a neak phit ni hi: antang kan le anluum tol saw ngawl te ne uh hi.

Joshua 9:6

Tua zawkciang amate in Gilgal ngiaphual ah pai in Joshua le Israel mite mun ah, “Ngam khuala na pan hong pai khu hi. Ko taw kilemna kamciam kho khat nong vawt tu uh dei khu hi,” ci hi.

1 Samuel 7:16

Kum simin ama in Bethel, Gilgal, le Mizpah ah paikot in hi munte ah kamtam kinialnate thu khensak hi.