Joshua 5:1 - Syin Chin Bible

¹ Jordan nitumna sangah a om Amor kumpite theampo le Mediterranean Tuipi hui susuk ah a om Canaan kumpite theampo in, Israel te ii kaantan dong Topa in Jordan ngun leiko suaksak hi ci in za uh hi. Amate lau a, Israel te hangin a thin letna uh bo hi.

Joshua 5:1 Iomraidhean Croise

Pianciilna 12:6

Abram sia tua ngam kaantan in Shechem khua ah om mun thiangtho ahi Moreh ii thingkung thiangtho a thet dong paisuak hi. (Tua hun in Canaan te tua ngam ah teang lai hi.)

Pianciilna 48:22

Amor mite tung pan ka namsau le ka thal taw ka laak, leipha ngam Shechem sia na suapuipate atu hi ngawlin nangma atu kong piak ahi hi.

2 Samuel 21:2

(Gibeon mite sia Israel mi hi ngawl a; amate sia, Israel te in hut tu dal tu in kamciam a piaksa Amor mi pawlkhat hi napi, Israel mite in Judah mite atu a deisak leilam manin Saul in tuate mot tu in hanciam hi.)

1 Kumpite 10:5

Kumpinu in kumpipa sabuai ah a kilui ante, a uliante ii teenna innte, kumpi inn sung naseamte ii nasep hawm zia le a puansilhte, poaipi khaam ciang a sabuai ngak naseamte le Biakinnpi sungah a sangaw biakpiaknate mu hi. Ama in husamh liangin lamdang sa hi.

Ezra 9:1

Hi teng a kisep zawkciang Israel mite lampui pawlkhat hong pai in, mipite, thiampite le Levi te sia a innpaamte ahi Ammon, Moab le Egypt ngammite sung pan ahizong, Canaan te, Hit te, Periz te, Jebus te le Amor te sung pan ahizong a tuamin a om ngawlna thu ka tungah hong son uh hi. Amate in hi mite ii a vawt a kiihuai nate ma vawt uh hi.

Psalm Late 135:11

Tuate sungah Amor kumpipa Sihon, Bashan kumpipa Og, le Canaan kumpi theampo kihel hi.

Pusuana 23:28

Na ngalte ka patausak tu hi; note maisang nawt in na pai uh ciang Hiv mite, Canaan mite, le Hit mite ka notkeak tu hi.

Isaiah 41:5

“A khuala ngammite in ka sep sate mu zo hi; amate lau in kiitakna taw liing uh hi. Tua ahikom amate a vekpi kikhawmin hong pai uh hi.

Ezekiel 16:3

Vaanglianpipa Topa in Jerusalem tungah a ci teng son in: “Nang sia Canaan ngam ah piang ni hi. Na pa sia Amor mi hi a, na nu sia Hit mi ahi hi.

Ezekiel 21:7

Amate in banghangin tau ni ziam hong ci ciangin, hong tung tu thu hang hi ci in. Tua thu hong tun tak ciang a mate launa taw kidim tu a, a khutte zaw in a thin letna bo tu a, a khupte liing tu uh hi. A hun hong theng zo hi; tu hun ahi hi,” Vaanglianpipa Topa in pau zo hi.

Daniel 5:6

Kumpipa lau mama in, a mai daang a, a khup liing tu kipan hi.

Amos 2:9

“Tua ahitazong ka mite awng cedar thingkungte bangin saang a, oak thingkungte bangin a thakho, Amor te ka sukcipna sia noma kong khualna hi.

Mi Simna 13:29

Thangsang ngam ah Amalek te teang a, Hit te, Jebus te, le Amor te mualtung ngam ah teang a; Canaan te ahile Mediterranean tuipi hui le Jordan ngundung ah teang uh hi,” ci in son uh hi.

Joshua 17:12

Manasseh mite in tua khuapite ah a teang mite not zo ngawl ahikom Canaan mite sia tuasung ah teang suak uh hi.

Joshua 17:18

Mualtung ngam sia no neisa hi tu hi. Duithuk hikale na vaat tham tu uh a mong khat pan mong langkhat dong la in tang tu nu hi. Canaan mite ahile thik siphu ngalleang te nei in a hat mite ahitazong hawlkhia tu nu hi,” ci hi.

Joshua 24:15

Ama na, na seam nuam bua uh le, tu ni in khensat vun, akua atu seam tu nu ziam, ih taanghpupite ii Mesopotamia ah a biak pathiante atu ziam maw, tu laitak na teenna leitang a nei Amor pathiante atu ziam? Ka innkuan puite le kei ka hi le Topa atu ka seam tu uh hi.”

Joshua 3:16

tui luan tawlnga a, Zarethan khua mawk Adam khuapi dong tuilu sangah tui hong cingto hi. Tuipi Thi sungah a luangsuk tui sia kikhaktan ik-ek a mipite in Jericho khua hui panin kaantan thei uh hi.

Joshua 3:17

Mipite in leiko tung tawn tan in a pai uh laitakin, Topa ii Thuciamna Thingkuang a pua thiampite sia mi theampo ii kaantan zawk mateng Jordan ngun laizang lei kona ah ding uh hi.

Thupualaakna 18:10

Amate in ama thuakna sia a thuakpui ngam bua uh a, a khualana ah ding uh hi. Amate in, “Bangza in kiitakhuai ziam! Bangza in lauhuai ziam! Hi a lian le a hat Babylon khuapi! Nai khat sung tengin daan hiza na tawk hi,” ci uh hi.

Thukhente 1:1

Joshua thi zawkciang Israel te in Topa dongh a, “Akuate nam pai masa in Canaan te sim tu khu ziam?” ci uh hi.

Thukhente 11:23

Tua hi a, Israel a mite atu Amor te a notkeak sia Topa Israel te ii Pathian ahi hi.

Thukhente 3:3

A ngamsung a taanglai teng sia Philistine te khuapi nga hi a, Canaan te, Sidon te a vekpi le Lebanon Mualte tung, Baal Hermon Mual pan Hamath Mualciangh dong a teang Hiv te ahi hi.

Thukhente 4:2

Tua ahikom Topa in amate sia Hazor khuapi a uk Canaan kumpipa Jabin in zosak hi. A ngalkaphonpi ukpa sia Gentile te ii Harosheth ah a teang Sisera ahi hi.

1 Samuel 25:37

A zukham hong thai ciang ama in thu theampo son hi. Thakhatin ama sia pumzaw natna hong nga a, a tung thei nawn bua hi.