Joshua 4:6 - Syin Chin Bible

⁶ Topa in bang seam zo ci in hi suangtumte in mipite phawksak tu hi. Mai sangah na tate in hi suangte ii a cinopna bang ziam ci hong dok ciangin

Joshua 4:6 Iomraidhean Croise

Psalm Late 44:1

Pathian awng, ngei tawngh lai in na sep na vawtte ka taanghpupite in hong son zo a, ka bil uh taw ka za zo uh hi:

Psalm Late 71:18

Tu in ka huai zo a ka puak zongh kaang zo hi. Kei hong nusia heak in, Pathian awng! hong pai pheang tu khang kikte tungah na vaangletna le na thahatna ka thansak laitakin keima taw hong omkhawm ta'n.

Pusuana 12:14

Keima Topa in bang vawt khi ziam ci na phaw natu in hi ni sia biaknapoai khatin vawt tu nu hi. Mailam hun theampo ah tua poai vawt suak tavun,” ci hi.

Pusuana 13:14

Mailam sangah na tapa in hi bang a ih sepnate bang a khiakna ziam ci in hong dongh le, ‘Topa in a vaangletna zanghin ih saltanna Egypt pan eite hong paipui hang ahi hi.

Pusuana 13:9

Hi ngeina poai vawtna in na khut ah ahibuale na tal tungah na khat a kikhit bangin, tua in Topa thukham hong phawksak tawntung tu hi. Tua in Topa thukham na sin tu le na sim tawntung natu in hong phawksak tu hi. Banghang ziam cile Topa in a vaangletna taw Egypt pan note hong pusuapui hi.

Pusuana 31:13

Israel mite tungah a son tu in, “Ka tawlngak ni ahi Sabbath na tang vun, banghang ziam cile tua ni sia hong pai tu hun theampo sung Keima, Topa in note keima mi in kong vawt hunlam a kilangh natu in keima le note kilaklaw ah lim khat ahi hi.

Isaiah 38:19

Tu laitakin nang kong pok uh bangin, nang hong pokte sia a nungta laite ahi hi. Pate in a tate tungah na thumaan nate son uh hi.

Isaiah 55:13

Tu laitakin lingte omna munah cypress kungte po tu hi; lingkungte luangin myrtle kungte poto tu hi. Tua in a tawntung a kho tu lim khat hi tu a, Keima Topa ii sep sate hong phawk kiksak khat hi tu hi,” ci hi.

Ezekiel 20:12

Koma kilaklaw thukimna limlakna in Sabbath tanna ka vawt a, keima Topa in amate a thiangthosak sia keima ka hi hunlam a phaw natu ahi hi.

Ezekiel 20:20

Sabbath sia ni thiangtho khat hisak vun a, tua hile tuasia in ih vawt thuciamna ii lim khat hi tu hi, tuaciang keima sia Topa na Pathian ka hi hunlam hong phawksak tu hi.

Mi Simna 16:38

Tuate Topa biaknatau ah a kipiak ciang a thiangtho suak hi. Tua ahiciang a mawna hangin thina a thuakte ii meikamkuangte la in biaknatau sit natu in pakan a paa in seak in. Hisia Israel mipite kidop natu thu hi tu hi,” ci hi.

Sawltakte 2:39

banghang ziam cile Pathian kamciam sia, no le na tate le, a khualana ah a omte atu in a kivawt hi a, tuaciangin Topa Pathian ii ama kungah a samsa theampo atu ahi hi,” ci hi.

Thuhil kikna 11:19

Na tate tungah hil vun. Inn ah na om ciang ahizong na va ciang ahizong, na tawlngak ciang le na nasep ciang ahizong na tate sonpui vun.

Joshua 22:27

tua sangin, koma mite le noma mite atu, tuaciang khangkikte atu in ama ii a thiangtho Puanbuk mai ah koma in Topa sia meihal biakpiaknate, sangaw biakpiaknate le pawlkhop biakpiakna te taw bia tatak khu hi ci heaksakna lim khat hi tu hi. Hi sia in noma suan le paalte in koma suan le paalte tungah Topa sia no taw bang kisai ziam hong ci ngawl natu ahi hi.

Joshua 4:21

Ama in Israel te mun ah, “Mai sangah na tate in hi suangtumte sia bang a cinopna ziam ci in hong dok ciang

Joshua 4:5

“Topa na Pathian ii Thuciamna Thingkuang ii mai Jordan ngun sungah na pai tavun a, Israel namte khat sim atu suangtum khat tek na liang uh ah hong pua tavun.