Joshua 4:3 - Syin Chin Bible

³ Jordan ngun laizang thiampite ii dinna san tak panin suangtum sawm le nii lasak in. Amate in hi suangtumte pua in zan ciang ngiaphual na saat natu munah koi in sawl in,” ci hi.

Joshua 4:3 Iomraidhean Croise

Pianciilna 28:22

Hi khansuang ka phuna sia nangma hong kibiakna mun hi tu hi, tuaciang nong piak theampo sung pan sawm a khat, nang kong pia tu hi,” ci hi.

Psalm Late 103:2

Ka thaa awng, Topa pok in a, ama bangza dik ziam ci sia mangil heak in.

Psalm Late 11:4

Topa, ama ii biakinn thiangtho sungah om hi; Topa ii kumpi tokhum in vantung ah om hi. Mun theampo a om mihingte encik a, amate bang vawvawt ci sia he hi.

Luke 19:40

Jesus in “A tatakin ka ci ciang, amate in a thim uh le, suangtumte mama in au tu in hong kipan tu hi,” ci hi.

Joshua 24:27

Mipite theampo tungah ama in, “Hi suang sia ih tetti hi tu hi. Topa ii ei tungah hong pau kammal theampo tuasia in za siat zo hi. Tua ahikom tuasia in note ii lang ah tetti hi tu a, Topa na langpan ngawl natu hi tu hi.

Joshua 3:13

Leitung theampo ii Topa ii Thuciamna Thingkuang a pua thiampi te in tui sung hong si tak ciang, Jordan ngun sia a luan tawlnga tu hi, tuaciang hong luangsuk tuite sia mun khat ah cing tu hi” ci hi.

Joshua 4:4

Tuaciang Joshua in mihing sawm le nii a teal teng sam a,

Joshua 4:8

Tua pasalte in Joshua ii thupiakna te zui uh hi. Topa ii Joshua thu a piak bangma amate in suangtum sawm le nii Jordan ngun sung pan la a, Israel nam khat atu suangtum khat veu pua in a ngiaphual saat na munah koi uh hi.

1 Samuel 7:12

Tua zawkciang Samuel in suangtum khat la in Mizpah le Shen kilaklaw ah phut in, “Topa in lam tawntung hong hu hi” ci in a min sia “Huna Suangpi” (Ebenezer ) vaw hi.