Joshua 4:19 - Syin Chin Bible

¹⁹ Mipite sia a tha khatna ni sawm ni in Jordan kaantan uh a, Jericho ii nisuana sangah a om Gilgal ah ngiaphual saat uh hi.

Joshua 4:19 Iomraidhean Croise

2 Kumpite 2:1

Elijah sia suumpei taw vantung ah Topa ii a laakto tu hun hong theng hi. Elijah le Elisha sia Gilgal panin vaiding a,

Amos 4:4

Vaanglianpipa Topa in, “Israel mite awng, na hi nuam vangaat uh le mun thiangtho Bethel ah pai in mawna khialna vawt tavun! Gilgal ah pai vun a, na tha neiza uh taw maw tavun! Paisuak vun a, zing khat zawk ciangin zing khat sangaw biakpiak tu ngannote hong paipui tavun, ni thum simin na sawm a khat hong paipui tavun.

Amos 5:5

Biakkikhopna vawt tu in Beersheba ah pai heak vun. Bethel ah kei hong zong heak vun — Bethel sia a luithawthong suak tu hi. Gilgal ah pai heak vun — a mite saltaang in lal tu uh hi” ci hi.

Micah 6:5

Ka mite awng, Moab kumpi Balak in note bang law hong sawm a, Beor tapa Balaam in bangbang zo kik ziam cisia phawk kik vun. Acacia ngiaphual pan Gilgal paina lampi ah a piang teng phawk kik vun. Hite phawk kik vun, tua hile note kong ngup natu in ka septe phawk tu nu hi,” ci hi.

Thuhil kikna 1:3

Egypt pan a pusua zawk a kum sawmli kum, a tha sawm le khatna a ni khat ni in Topa ii amate tungah son a, a sawl theampo Moses in mipite tungah son hi.

Thuhil kikna 11:30

(Hi mualte nii sia Jordan Kuam ah a teang Canaan mite ngamsung Jordan ngun ii nitumna sangah om hi. Tua mualte sia nitumna sangah om a, Gilgal khua nai Moreh thingkung thiangthote taw kikhuala ngawl hi.)

Joshua 10:43

Hisia zawkciang, Joshua le a ngalkaphonpi Gilgal ngiaphual zuan kik uh hi.

Joshua 10:6

Gibeon mite in Gilgal ngiaphual ah Joshua atu kam thaak a: “Topa awng, ko hong nusia heak in! A manlang in hong pai tavun a hong hu tavun! Hong hun tavun! Mualtung ngam a teang Amor kumpite theampo in a ngalkap teng ngawmtua in ko hong sim uh hi!” cisak hi.

Joshua 15:7

Ngimna Kuam panin Debir ah, tua zawkciang saksang ah kiheak a, tua kuam ii thangsang a om Adummim Mualciangh sia a maingat Gilgal sang sun hi. Tua zawkciang Enshemesh ciktuite ah paitanin, tua mun pan Enrogel ah paisuak hi,

Joshua 24:11

Jordan ngun kaantan in, Jericho khua theng nu hi. Jericho mite in Amor te, Periz te, Canaan te, Hit te, Girgash te, Hiv te le Jebus te ii hong do bangma in no hong do hi. Ahihang amate tung theampo ah zawna kong pia hi.

Joshua 4:18

Tuaciang thiampite ngun vaal a thet uh ciang, nguntui luansuk kipan kik a, ngun vaal teng tuiliim hi.

Joshua 5:10

Jericho hui zaangtam, Gilgal ah Israel te ngiaphual a saat laitakin, tua tha a ni sawm le ni li ni nitak sangin Paisan Poai khaam uh hi.

Joshua 5:9

Topa in Joshua mun ah, “Tu ni in Egypt ngam ah saltaang in na min daina uh teng ka bosak hi,” ci hi. Tua hu in tua mun sia Gilgal kici hi, tu dong ma in kina lai hi.

Joshua 9:6

Tua zawkciang amate in Gilgal ngiaphual ah pai in Joshua le Israel mite mun ah, “Ngam khuala na pan hong pai khu hi. Ko taw kilemna kamciam kho khat nong vawt tu uh dei khu hi,” ci hi.

1 Samuel 10:8

Keima mai Gilgal ah na paikhol tu a, tua munah ih kimu tu hi, tuaciang meihal sangaw biakpiaknate le pawlkhop sangaw biakpiaknate ka pia tu hi. Keima hong pai in, na sep na vawt tu teng kong son dong ni sali hong ngak tu ni hi,” ci hi.

1 Samuel 15:33

Samuel in, “Na namsau in nute tam mama ta selsak ahi bangma, tu in na nu zongh tasel tu hi,” ci hi. Tuabangin Samuel in Agag sia Gilgal biaknatau mai ah neensem hi.