Joshua 4:10 - Syin Chin Bible

¹⁰ Topa ii Joshua tungah a thupiak, mite ii sep tu vawt tu a ci teng theampo a kizaw dong thiampite sia Jordan ngun laizang ah ding uh hi. Hi sia Moses ii thupiak sa ahi hi. Mipite sia ngun kaantan in pai memeang uh hi.

Joshua 4:10 Iomraidhean Croise

Psalm Late 119:60

Na thupiakte zui natu ka haisaang bua a, ka manlang hi.

Pusuana 12:39

Amate in Egypt pan a ken tol saw ngawl anluum em uh hi, banghang ziam cile thakhat thu in amate Egypt pan kihawlkeak ahikom a an neak tu ahizong tol saw anluum ahizong kinging man ngawl uh hi.

Paunakte 27:1

Zing ciang thu taw kisai in kisuangtaak khol heak vun. Tua hun le tu kilaklaw bang piang tu ziam na he bua uh hi.

Thuhilsya 9:10

Na sep pawpo hanciam in seam in, banghang ziam cile mithite ngamah, tukna, dianna om ngawl, khua ngaisutna, heakna, ciimna om ngawl tu hi — tua mun sia na zotna tu mun ahi hi.

Isaiah 28:16

Tu in Vaanglianpipa Topa in, “Keima in Zion ah a kip a kho inn tawdap khat ka koi hi. Tua ii sungah innking suang sak khat ka phut a, tua tungah hi bang kammalte ki at hi, ‘A kho upna sia a thin zongh sau hi.’

2 Corinth te 6:2

Pathian pauna ngai vun: “Note maipha kong piak tu hun hong thet ciang, note ngetna kong za hi; kong ngup tu ni hong thet ciang, note kong hu hi.” Ngai vun! Pathian ii hesuakna saan thei tu sia tu hun hi; hong kingup tu ni sia tuni ahi hi!

Thuhil kikna 31:9

Tuaciang Moses in Pathian Thukham at in, Topa Thuciamna Thingkuang a keam Levi thiampite le Israel lampuite tungah pia hi.

Joshua 24:11

Jordan ngun kaantan in, Jericho khua theng nu hi. Jericho mite in Amor te, Periz te, Canaan te, Hit te, Girgash te, Hiv te le Jebus te ii hong do bangma in no hong do hi. Ahihang amate tung theampo ah zawna kong pia hi.

Joshua 3:13

Leitung theampo ii Topa ii Thuciamna Thingkuang a pua thiampi te in tui sung hong si tak ciang, Jordan ngun sia a luan tawlnga tu hi, tuaciang hong luangsuk tuite sia mun khat ah cing tu hi” ci hi.

Joshua 4:11

Amate ngun langkhat a thet siat zawk uh ciang Topa Thuciamna Thingkuang a pua thiampite sia mipite mai ah pai uh hi.

Joshua 4:9

Thuciamna Thingkuang a pua thiampite ii dinna san Jordan ngun laizang ah Joshua zongh in suangtum sawm le nii ciang hi. (Tua suangtumte tua munah om lai hi.)