Joshua 3:8 - Syin Chin Bible

⁸ Thuciamna Thingkuang pua thiampite ngun a thet uh ciang, ngun sung tansakin a, ngunvaal taw a kinaina ah dingsak in,” ci hi.

Joshua 3:8 Iomraidhean Croise

2 Kumpite 2:6

Tuasia zawkciang Elijah in Elisha munah, “Tu in hi sungah na om in; Topa in kei Jordan ngun ah pai in hong sawl hi,” ci hi. Ahihang Elisha in, “Nang hong nusia ngawl tu khi hi, ci in a nungta Topa tung le nang tungah ka thumaanna taw kiciam khi hi,” ci hi. Tua ahikom amate paisuak a,

2 Khangtaanghthu 29:15

Hi mite in Levi mipuite khawmtua in amate le amate a zeksa om bang kithiangsak siat uh hi. Tua zawkciang kumpipa thupiak bangin Topa Thukham zui in a zeksa om bangin Biakinnpi thiansua tu kipan uh hi.

2 Khangtaanghthu 29:27

Meihal biakpiaknate piak natu in Hezekiah in thupia a; biakpiakna a kipat ciang mipite in Topa pokna lasa in music thiam te in lemle le tumthei dang theampo tum uh hi.

2 Khangtaanghthu 29:30

Kumpipa le ngam lampuite in David le kamsaang Asaph ii a phua pokna late Topa tungah a sak natu in Levi te sawl uh hi. A sawl bangma in a kuama po in lungdamna lianpi taw khupdin in lasa a, Pathian bia uh hi.

2 Khangtaanghthu 30:12

Judah mite sung zongh ah Pathian in naseam a, kumpipa le a uliante thupiakte a thunitna taw ama deina a zui tu in mipite a kibangin thin khensatna neisak hi.

Nehemiah 13:22

Levi te amate le amate kithiansua natu le Sabbath a thianthosak nanak natu in, kongpite pha tak a cin natu thu ka pia hi. Pathian awng, hi thu zongh ah hong phawk ta'n a, itna lian nei na hikom kei hong suaktasak ta'n.

Nehemiah 13:28

Joiada sia Thiampi Lianbel Eliashib ii tapa hi a, ahizong Joiada ii tapate khat in Beth Horon khua pan Sanballat ii tanu teenpui ahikom Jerusalem pan Joiada ka hawlkhia hi.

Pusuana 14:13

Moses in, “Lau heak vun! Kip takin ding vun a, tu ni in Topa hong hutna mu tu nu hi; hi Egypt te mu kik ngeingawl tu nu hi.

Kaa late 3:26

Tua ahikom eite atu in, thin sauna taw ama ngakin ih om tu — eite hong ngum tu in ama ngakin ih om tu — phabel hi.

Joshua 3:17

Mipite in leiko tung tawn tan in a pai uh laitakin, Topa ii Thuciamna Thingkuang a pua thiampite sia mi theampo ii kaantan zawk mateng Jordan ngun laizang lei kona ah ding uh hi.

Joshua 3:3

mipite tungah, “Topa na Pathian ii Thuciamna Thingkuang sia thiampite in a puak na mu uh ciang, ngiaphual pan vaiding in zui vun.

Joshua 3:7

Topa in Joshua munah, “Tu ni a ka sep tu sia nangma sia mihing thupi mama khat in Israel theampo ii hong zatak vawt tu a kipatna hi tu a, Moses ka ompui bangin nang zongh kong ompui hunlam amate in hong tel tu uh hi.

Joshua 3:9

Tuasia ciang Joshua in mipite munah, “Hong pai tavun a, Topa na Pathian ii pauna ngai vun.

Joshua 4:11

Amate ngun langkhat a thet siat zawk uh ciang Topa Thuciamna Thingkuang a pua thiampite sia mipite mai ah pai uh hi.