Joshua 3:5 - Syin Chin Bible

⁵ Joshua in mipite tungah, “Noma le noma kithiansua vun, banghang ziam cile zing ciang Topa in note sungah nalamdang laknate vawt tu hi,” ci hi.

Joshua 3:5 Iomraidhean Croise

Job 1:5

A anneakpoai khuavak ni zing simin Job sia zingtuung in tho a, a tate khat sim a thiansua natu in sangaw biakpiakna vawt hi. Ama in hi bangin vawt tawntung hi, banghang ziam cile a tapate khat po in, a tupkhol ngawl bul Pathian a simmawkna taw in khialna nei tha thei tu hi ci in, a ngaisut hang hi.

Psalm Late 77:15

Jacob le Joseph suan na mite, na vaangletna taw na hun hi.

Psalm Late 86:10

Nangma in thahat in a lamdang nate na vawt hi; nangma bek Pathian na hi hi.

Joel 2:16

Mite khawmtua vun; a thiangtho kikhop natu in kithoaisak vun; khanghaamte hong paipui tavun; patangte le nausente zongh khawmtua vun. A kiteang tuung nupate zongh a inn nusia in hong pai uh kul tu hi.

Thiampite 10:3

Tuasia ciang Moses in Aaron tungah, “Topa in ‘Ka na a seamte theampo in ka thianthona zakta tu hi; ka mite tungah ka vaangletna ka pualaak tu hi’ a ci ciang a deina sia, tubang ahi hi,” ci hi. Ahizong Aaron bangma pau ngawl hi.

Thiampite 20:7

Note thiangtho tavun, banghang ziam cile keima in Topa na Pathian ka hi hi.

Mi Simna 11:8

Tua mannate zan lai in ngiaphual tungah daaitui taw taak khawm hi. A zingsang ciang a mipite pai in tawm a, ngoaivui in ahibuale sum sungah suuvui hi, tua zawkciang huanin muhphaang in vawt uh hi. A limna olive thau taw a ki em anluum bangin lim hi.)

John 17:19

Amate zongh maan tak a, nang tungah hong ki aap thei natu, amate atu ka ngaisutsakna in, keima le keima nang tungah kong ki aap hi.

Joshua 3:13

Leitung theampo ii Topa ii Thuciamna Thingkuang a pua thiampi te in tui sung hong si tak ciang, Jordan ngun sia a luan tawlnga tu hi, tuaciang hong luangsuk tuite sia mun khat ah cing tu hi” ci hi.

Joshua 3:4

No hi sungah a om ngei kuama om ngawl nu hi, tua ahiciang amate in na pai natu lampi hong lak tu hi. Ahihang Thuciamna Thingkuang nai neak heak vun; kilometre khat bang kihal in a nungah om vun,” ci hi.

Joshua 3:6

Tua zawkciang Joshua in thiampite sia, Thuciamna Thingkuang la in mipite mai ah pai a sawl hi. A ci bangin amate ngamta uh hi.

Joshua 7:13

Thoto in! Mipite thiansua in a, ka mai ah hong pai tu in kingingsak in. Zing ciang a kinging kholsa in a om natu son in, banghang ziam cile Kei, Israel ii Topa, Pathian in hi teng son tu ka nei hi: ‘Israel awng, suksiat tu a thu kong piak vanh pawlkhat la nu hi! Hi nate na suksiat uh mateng na ngalte na zo buatu uh hi.’

1 Samuel 16:5

Ama in, “Hi hi, Topa tungah sangaw biakpiakna khat vawt tu in kong pai hi. Kithiansua vun a, hong pai tavun,” ci in zo hi. Ama in Jesse le a tapate zongh amate le amate kithiansua tu in sawl a, sangaw biakpiakna munah sam hi.