Joshua 3:3 - Syin Chin Bible

³ mipite tungah, “Topa na Pathian ii Thuciamna Thingkuang sia thiampite in a puak na mu uh ciang, ngiaphual pan vaiding in zui vun.

Joshua 3:3 Iomraidhean Croise

2 Samuel 6:13

Thuciamna Thingkuang a pua mihingte kal luk hong suan zawkciang David in tawlngasak a, khuital khat le khuino thau khat sangaw biakpiakna in pia hi.

2 Samuel 6:3

Amate in tuasia mualtung a om Abinadab inn pan la in, leangthak khat tungah suan uh hi. Aminadab ii tapate Uzzah le Ahio in khuileang lampui in,

1 Kumpite 8:3

A lampuite theampo a kikaikhop zawkciang, thiampite in Thuciamna Thingkuang laamto uh a,

Jeremiah 33:18

Levi minam sung pan meihal biakpiaknate, antang taw biakpiakna le sangaw biakpiaknate vawtna ah ka na a seam tu in thiampite om tawntung tu hi ci sia kong kamciam hi,” ci hi.

Mi Simna 10:33

Israel mite in mual thiangtho ahi Sinai nusia a, ni thum sung pai uh hi. Topa Thuciamna Thingkuang sia ngiaphual mun tu a zong tu in amate mai ah paikhol tawntung hi.

Mi Simna 4:15

Ngiaphual kiphel tu hun a cin ciang a thiangtho nate le vanhzakte theampo Aaron le a tapate in a sit zawkciang a pua tu in Kohath bee le phung pan hong pai tu uh hi. Kohath bee le phung in a thiangtho nate thutha ngawl tu a, a thutha le amate thi tu uh hi. Puanbuk a kikhiin simin hite sia Kohath bee le phung ii vaipuak ahi hi.

Matthew 16:24

Tua zawkciang Jesus in a nungzuite munah, “Khat po in kei hong zui nuam le ama le ama kinial in, a thinglamtee pua in, ka nung hong zui tahen.

Matthew 8:19

Thukhamhil sya khat in, “Sya awng, na paina po ah paikhawm tu in, ka kinging hi,” ci hi.

Thuhil kikna 31:25

A man zawkciang, Topa Thuciamna Thingkuang a keam Levi thiampite tungah ama in,

Thuhil kikna 31:9

Tuaciang Moses in Pathian Thukham at in, Topa Thuciamna Thingkuang a keam Levi thiampite le Israel lampuite tungah pia hi.

Joshua 3:4

No hi sungah a om ngei kuama om ngawl nu hi, tua ahiciang amate in na pai natu lampi hong lak tu hi. Ahihang Thuciamna Thingkuang nai neak heak vun; kilometre khat bang kihal in a nungah om vun,” ci hi.

Joshua 3:6

Tua zawkciang Joshua in thiampite sia, Thuciamna Thingkuang la in mipite mai ah pai a sawl hi. A ci bangin amate ngamta uh hi.

Joshua 3:8

Thuciamna Thingkuang pua thiampite ngun a thet uh ciang, ngun sung tansakin a, ngunvaal taw a kinaina ah dingsak in,” ci hi.

Joshua 4:10

Topa ii Joshua tungah a thupiak, mite ii sep tu vawt tu a ci teng theampo a kizaw dong thiampite sia Jordan ngun laizang ah ding uh hi. Hi sia Moses ii thupiak sa ahi hi. Mipite sia ngun kaantan in pai memeang uh hi.

Joshua 6:6

Joshua in thiampite sam a, amate tungah, “Thuciamna Thingkuang la vun a, no sung pan sali sia lemle khat tek toai in a mai ah pai vun,” ci hi.

Thupualaakna 14:4

Amate in numeite taw omkhopna a nei ngeingawl tangval thiangthote ahi uh hi. Amate in Tuuno paina theampo zui uh hi. Amate sia a taang lai mihing nam sung panin a kitan sate hi a, Pathian le Tuuno tungah a kipia masa phitte ahi uh hi.

1 Samuel 6:15

Levi te in Topa ii Thuciamna Thingkuang le khamh limnote a kikoi thingkuang sia laamto in, suangpi lian sia tungah koi uh hi. Tua zawkciang Beth Shemesh khua mite in meihal sangaw biakpiakna le a dang sangaw biakpiakna te Topa tungah vawt uh hi.