Joshua 3:17 - Syin Chin Bible

¹⁷ Mipite in leiko tung tawn tan in a pai uh laitakin, Topa ii Thuciamna Thingkuang a pua thiampite sia mi theampo ii kaantan zawk mateng Jordan ngun laizang lei kona ah ding uh hi.

Joshua 3:17 Iomraidhean Croise

2 Kumpite 2:8

Tuaciang Elijah in a puantual suutin, a zial zawkciang tui saatna in nei hi; tui hong kikhen a, ama le Elisha in a langkhat ah leiko tung tawnin kaantan uh hi.

Psalm Late 66:6

Ama in tuipi sia leiko suaksak hi; ih taanghpupite in a peang uh taw ngun kaantan hi. Tua munah eite in ama ii sepna hu in ih lawp hi.

Pusuana 14:21

Moses in tuipi tungah a khut a vaan ciang, Topa in nisuana sang pan vui thahat khat taw tuipi kinilsak hi. Tua vui sia zankhuateak va in, tuipi leiko suaksak hi. Tui kikhen a,

Pusuana 14:22

Israel te in leiko tung tawnin tuipi kaantan a, a lang le a lang ah tui pangte hong om hi.

Pusuana 14:29

Ahizong tuipi kaantan in leiko tungah Israel te pai uh a, a lang le a lang ah tuipangte om hi.

Isaiah 25:8

Vaanglianpipa Topa in thina a tawntungin mangthangsak tu hi! Ama in mihing theampo ii thitui nawlsak in, a mite ii leitung mun theampo ah a thuak maimawl na sia laaksak tu hi. Topa ama mama in ci zo hi!

Mi Simna 33:51

Israel atu in a nuai a hilnate pia hi: “Jordan ngun kaanin Canaan ngam na tum uh ciang,

Hebrew te 11:29

Upna in San Tuipi sia leiko tung tot bangin, Israel mite kaantansak zo a, Egypt mite in kaantan tu in a kipat ciang, tuipi in amate valhlum siat hi.

Joshua 4:1

Minam buppi Jordan a kaantan zawk uh ciang Topa in Joshua mun ah,

Joshua 4:10

Topa ii Joshua tungah a thupiak, mite ii sep tu vawt tu a ci teng theampo a kizaw dong thiampite sia Jordan ngun laizang ah ding uh hi. Hi sia Moses ii thupiak sa ahi hi. Mipite sia ngun kaantan in pai memeang uh hi.

Joshua 4:11

Amate ngun langkhat a thet siat zawk uh ciang Topa Thuciamna Thingkuang a pua thiampite sia mipite mai ah pai uh hi.

Joshua 4:22

Jordan ngun sia leiko tungah Israel te ii kaantan hun lai thute na son tu uh hi.

Joshua 4:3

Jordan ngun laizang thiampite ii dinna san tak panin suangtum sawm le nii lasak in. Amate in hi suangtumte pua in zan ciang ngiaphual na saat natu munah koi in sawl in,” ci hi.

Joshua 5:1

Jordan nitumna sangah a om Amor kumpite theampo le Mediterranean Tuipi hui susuk ah a om Canaan kumpite theampo in, Israel te ii kaantan dong Topa in Jordan ngun leiko suaksak hi ci in za uh hi. Amate lau a, Israel te hangin a thin letna uh bo hi.