Joshua 3:16 - Syin Chin Bible

¹⁶ tui luan tawlnga a, Zarethan khua mawk Adam khuapi dong tuilu sangah tui hong cingto hi. Tuipi Thi sungah a luangsuk tui sia kikhaktan ik-ek a mipite in Jericho khua hui panin kaantan thei uh hi.

Joshua 3:16 Iomraidhean Croise

Pianciilna 14:3

Hi kumpi ngate in kipawlna vawtin tu in Tuipi Thi a kici Siddim Kuam ah a ngalkapte ngawmtua uh hi.

1 Kumpite 4:12

Ahilud tapa Baana: Taanach le Megiddo khuapite le Jezreel khua thangsang, Beth Shan le Zarethan nai khuate ah a om ngamkhen theampo, Abel Meholah khuapi le Jokmeam khuapi dong

1 Kumpite 7:46

Kumpipa in tuate theampo sia Jordan Kuam sung Sukkoth le Zarethan kilaklaw ah a om thikseakna munah vawtsak hi.

Psalm Late 114:3

San Tuipi in en a, taisan hi; Jordan Ngun a luan tawlnga hi.

Psalm Late 114:5

Tuipi awng, nang tuabangin na taikeak natu bang thu piang ziam? Tuaciang, Jordan awng, banghangin na luan tawlnga ni ziam?

Psalm Late 29:10

Topa in kumpi a hina taw tui thukte a tawntungin uk hi.

Psalm Late 33:7

Ama in tuipi theampo mun khat ah khawmtua a, tuipi thukte khakin a bitna sungah khol hi.

Psalm Late 66:6

Ama in tuipi sia leiko suaksak hi; ih taanghpupite in a peang uh taw ngun kaantan hi. Tua munah eite in ama ii sepna hu in ih lawp hi.

Psalm Late 74:15

Ciktui le tuisamhte na luangsak a, ngun liante na kangsak hi.

Psalm Late 77:19

Tui kihualte tungah na vak hi; tuipi thuk, na kaantan hangin, na khuanite a kimu thei bua hi.

Psalm Late 78:13

Ama in tuipi kikhensakin amate kaantansak hi; tuite sia pang bangin dingtosak hi.

Pusuana 14:21

Moses in tuipi tungah a khut a vaan ciang, Topa in nisuana sang pan vui thahat khat taw tuipi kinilsak hi. Tua vui sia zankhuateak va in, tuipi leiko suaksak hi. Tui kikhen a,

Pusuana 14:22

Israel te in leiko tung tawnin tuipi kaantan a, a lang le a lang ah tui pangte hong om hi.

Pusuana 14:29

Ahizong tuipi kaantan in leiko tungah Israel te pai uh a, a lang le a lang ah tuipangte om hi.

Pusuana 15:8

Tuipi tungah na hu na muut ciang, a sang in tui kiciangto hi; tuasia pang khat bangin dingtang hi; tuipi a thukbelna mun sia leitang ko suak hi.

Isaiah 50:2

“Ka mite hun tu kong pai ciang banghangin ka mite in hong awlmawk ngawl ziam? Ka sap ciang amate in banghang hong zo ngawl ziam? Amate a hun tu in keima thazawm lei ka hi ziam? A sungah a om ngasate tui kisamh in a thi natu sia ka thupiakna taw in tuipi tui ka kangsak thei a, ngunte sennealngam ka suaksak thei hi.

Ezekiel 47:8

Ama in kei tungah, “Hi tui sia nisuana sang tawnin Jordan Kuam le Tuipi Thi dongah luang suk hi. Tuipi Thi sungah a tum suk ciang, tua tuipi tui al sia tuithiang taw lai hi.

Nahum 1:4

Ama in tuipi thupia a, tuasia kang hi! Ama in ngunte kosak ngiungeu hi. Bashan lote vulin, Carmel mual sia ang a, tuaciang Lebanon paakte vul hi.

Habakkuk 3:8

Topa awng, ngunte in hong thin uuksak ziam? Nang hong thinsosak sia tuipi ahi ziam? Meeite tungah na to hi; na mite zawna na puak ciang vuipi suangval meeikaai sia na leang ahi hi.

Mi Simna 34:3

Thangsang ngamngi sia Zin duisung pan kipan tu a, Edom ngamngi dung zui in pai tu hi. Nisuana sang ngamngi sia Tuipi Thi thangsang mong pan kipan tu hi.

Thuhil kikna 1:1

Hi thubu sung a thute sia Israel mite Jordan ngun nisuana sang duisung ah a om laitak Moses ii amate tungah a pau kammalte ahi hi. Amate sia Suph khua nai Jordan Kuam sung a langkhat ah Paran khua, a langkhat ah Tophel, Laban, Hazeroth le Dizahab khuate kilaklaw ah om hi.

Thuhil kikna 3:17

Nitumna sangah a ngam sia Jordan Ngun dong hi a, saksang ah Galilee Tuili, tualai pan thangsang ah Tuipi Thi dong, nisuana sang ah Pisgah Mualpeang dong ahi hi.

Joshua 12:3

tua ii sungah Jordan Kuam, Galilee tuili ii thang pan Beth Jeshimoth (Tuipi Thi ii nisuana sang) dong, tuaciang Pisgah Mual ii mualpeang sang teng kihel hi.

Joshua 15:2

Hi thangsang ngamngi sia Tuipi Thi thangsang mong panin,

Joshua 16:7

Tua zawkciang paisuk a Janoah pan Ataroth le Naarah ah, Jericho pha in Jordan ah tawp hi.

Joshua 3:13

Leitung theampo ii Topa ii Thuciamna Thingkuang a pua thiampi te in tui sung hong si tak ciang, Jordan ngun sia a luan tawlnga tu hi, tuaciang hong luangsuk tuite sia mun khat ah cing tu hi” ci hi.

Joshua 4:22

Jordan ngun sia leiko tungah Israel te ii kaantan hun lai thute na son tu uh hi.

Joshua 5:1

Jordan nitumna sangah a om Amor kumpite theampo le Mediterranean Tuipi hui susuk ah a om Canaan kumpite theampo in, Israel te ii kaantan dong Topa in Jordan ngun leiko suaksak hi ci in za uh hi. Amate lau a, Israel te hangin a thin letna uh bo hi.

Thukhente 7:22

Gideon mite ii a lemle tum sungin, Topa in ngalte sia amate le amate khat le khat namsau taw kisimsak uh hi. Amate sia Zarethan sang ah Beth Shittah dong, Tabbath hui Abel Meholah khua dong tai uh hi.