Joshua 3:11 - Syin Chin Bible

¹¹ Leitung theampo ii Topa Thuciamna Thingkuang sia no mai ah Jordan a kaantan tak ciang, a nungta Pathian sia no sungah hong om hi ci in na tel tu uh hi.

Joshua 3:11 Iomraidhean Croise

1 Khangtaanghthu 29:11

Nangma sia a lian, a vaanglian, a minthang, a lamdang le a tuanngen na hi hi. Leitung vantung ah a om theampo nangma aa hi a, nangma kumpi na hi a, tuate theampo a ukpipa na hi hi.

Job 41:11

Ama ngalvawt a simin, bangma a tat thei ngawl akua om tu ziam? Tuabang ahithei tu leitung theampo ah kuama om ngawl tu hi.

Psalm Late 24:1

Simleitung le a sungah a om theampo sia Topa neisa ahi hi; leitung le a tungah a teang theampo sia ama aa ahi hi.

Psalm Late 97:5

Mualte sia Topa ii mai, leitung theampo ii Topa mai ah khuainun bangin tui tham hi.

Isaiah 3:12

Sum pukthaakte in ka mite zawthawk vawt a, a leiba tote in amate theam uh hi. Ka mite awng, na lampuite in lam hong pui khial ahikom, na kiheak natu lampi na he bua uh hi.

Isaiah 54:5

Nangma hong bitphuapa in na pasal bang hong hi tu a — ama min sia Vaanglianbelpa Topa ahi hi. Israel te ii a thiangtho Pathian in nang hong ngum tu a — ama in leitung theampo a ukpa ahi hi.

Jeremiah 10:7

Minam theampo ii kumpipa ahi nang sia, akua in zakta ngawlin a om tu ziam? Nang sia zatakna piak tu in na kilawm hi. Minamte ii mipilte theampo sung pan hikale amate ii kumpite sung pan hikale nang taw a kibang kuama om ngawl hi.

Micah 4:13

Topa in, “Jerusalem mite awng, pai vun a, na ngalte daan pia vun! Thikkii a nei le taau peangcin a nei khuital khat za in kong hatsak tu hi. Note in minam tam mamate tuanhpeak in, ngongtatna taw a nga, nei le lamhte keima, leitung buppi ii Topa nong pia tu uh hi,” ci hi.

Zephaniah 2:11

Topa in amate lausak tu hi. Ama in leitung pathiante sia bangma ngawl suaksak tu a, tua zawkciang minam theampo in amate ngam tek ah ama bia tu hi.

Zechariah 14:9

Tua zawkciang Topa sia leitung theampo ii kumpipa in hong mang tu a; ama ii Pathian sia a kuama po in bia tu a, tua min taw ma in ama he tu uh hi.

Zechariah 4:14

Tuasia ciang ama in, “Hite in leitung bup ii Topa na a seam tu in Pathian tealsa le sathau a noisa mihing niite ahi hi,” ci hi.

Zechariah 6:5

Ama in, “Hite sia vui lite hi a; tuate in leitung bup ii Topa omna pan hong pai tawm hi,” ci in hong zo hi.

Thuhil kikna 9:3

Ahizong tu in Topa na Pathian sia note mama in meikuang bangin na mai ah a pai na mu tu uh hi. Mainawtin na pai uh kawmin, ama hong kamciam bangin, na ngalte na nawkeak tu uh le, manlang takin na mot natu in tua mite hong zawsak tu hi.

Joshua 3:13

Leitung theampo ii Topa ii Thuciamna Thingkuang a pua thiampi te in tui sung hong si tak ciang, Jordan ngun sia a luan tawlnga tu hi, tuaciang hong luangsuk tuite sia mun khat ah cing tu hi” ci hi.