Joshua 3:1 - Syin Chin Bible

¹ A zing ciang zingsang in Joshua le Israel te tho pal a, Acacia ah a ngiaphual sia nusia in Jordan ah pai in, a kaantan tu ngakin tua munah ngiaphual saat uh hi.

Joshua 3:1 Iomraidhean Croise

Pianciilna 21:14

A zing ciang zingtuung in, Abraham in Hagar tungah an pawl khat le savun thawl khat dim tui pia hi. Ama in a tapa, a nu nungzaang ah suanhin paikhiasak hi. Hagar pai in Beersheba duisung tengah vak kawkoai hi.

Pianciilna 22:3

A zing ciang zingsang tuungin Abraham in biakpiak natu in thing pawlkhat tan a, a laa tungah suanh in a tapa Isaac le a naseamte nii taw, Pathian ii sawlna munah pai tu in ding uh hi.

Psalm Late 119:60

Na thupiakte zui natu ka haisaang bua a, ka manlang hi.

Jeremiah 25:3

“Amon ii tapa Josiah sia Judah kumpi a sep kum sawm le kum thumna pan kipan tuni ciang dong ma, kum kul le kum thum sung, Topa in ka tungah thu hong son zo a, ama ii a sonte hong son ngawlin ka om ngei bua hi. Ahihang bangma na nadon bua uh hi.

Jeremiah 26:5

note kungah kong paisak nithi ka naseam kamsaangte ii kammalte na nadonna uh taw ahizong, ka thu nong nit tu kisamh hi, ci in hong son zo khi hi. Amate ii a sonte na ni ngei bua uh hi.

Jeremiah 7:13

Hi mawna khialnate theampo na vawt siat zo uh a, kong papau kong hihil hangin nong ngai bua uh hi. Kong sam ciang nong zo nuam bua uh hi.

Micah 6:5

Ka mite awng, Moab kumpi Balak in note bang law hong sawm a, Beor tapa Balaam in bangbang zo kik ziam cisia phawk kik vun. Acacia ngiaphual pan Gilgal paina lampi ah a piang teng phawk kik vun. Hite phawk kik vun, tua hile note kong ngup natu in ka septe phawk tu nu hi,” ci hi.

Mi Simna 25:1

Israel te Acacia Kuam ah ngiaphual a saat lai in, pate in tua munah a om Moab numeite khialpui uh hi.

Mark 1:35

Zingtuung khuavak ma in, Jesus tho in tua inn nusia hi. Khuapi puasang a ngamkhingna mun khat ah pai in thungen hi.

Joshua 2:1

Tua zawkciang Joshua in thudawpkute nii sia Acacia ngiaphual panin paisak a, Canaan ngam, a tuanin Jericho khuapi vilku tu in thupia hi. Amate ngeal sia khuapi sung hong thet uh ciangin pumpi kizuak numei Rahab ii inn ah zan taam uh hi.

Joshua 6:12

Joshua sia a zing ciang zingtuungin tho a, thiampite le ngalkapte sia a nii veina khuapi kiimkot ah a zeini a pai uh bang tatakin pai uh hi: a masa in ngalkap madawk pawl teng, a zomin lemle sali a tum thiampite; tua zom ah Thuciamna Thingkuang a pua thiampite; a khakbel in nungdal ngalkapte pai uh hi. Hi hun sung teng lemle aw nging tan hi.

Joshua 6:15

Amate sia a ni sali ni khuavak po ciang tho in khuapi kiimkot ah salivei tuabang ma in hong pai uh hi — tua ni bekma in khuapi salivei kiimkot in pai hi.

Joshua 7:16

A zing ciang zingtuungin Joshua in Israel te nam khat zawkciang nam khat mai ah a paisak ciang Judah nam kitealtuam hi.

Joshua 8:10

Zingsang tuungin Joshua tho a, ngalkapte khawmtua hi. Tuaciang ama le Israel lampuite in amate Ai khua zotpui hi.

Thukhente 20:19

Tua ahikom Israel te a zing kik ciang hong kipan uh a, Gibeah khuapi hui ah ngiaphual saat uh hi.

1 Samuel 17:20

A zing ciang zing tuungin David tho in, tuute a en tu mi dang khat vaipuak pia a nguai an heang in, Jesse sawlna ah pai hi. Israel te ngalmai ah ngalsim tu in kuan a, hanla a sam laitakin David theng hi.