Joshua 24:27 - Syin Chin Bible

²⁷ Mipite theampo tungah ama in, “Hi suang sia ih tetti hi tu hi. Topa ii ei tungah hong pau kammal theampo tuasia in za siat zo hi. Tua ahikom tuasia in note ii lang ah tetti hi tu a, Topa na langpan ngawl natu hi tu hi.

Joshua 24:27 Iomraidhean Croise

Job 31:23

Pathian ii daan ka kiitak hu in tuabangin ka ngamta ngei buatu hi.

Job 31:28

Tuabang mawna sia thidaan piak tu ahi hi; tuasia in Vaanglianbelpa Pathian nial hi.

Paunakte 30:9

Ka kham vaalin an ka nei le, nang hong tulmaw bong kong ci tha tu hi. Ahihang ka zawng le, ka nguta tha tu a, ka Pathian ii min daina kong suaksak tu hi.

Isaiah 1:2

Topa in, “Leitung le vantung awng, kong ci bang ngai vun! Ka vaak ka taa sa ka tate in kei hong langpan uh hi.

Isaiah 59:13

Nang kong langpan uh a, hong nialin, na nung kong zui bua uh hi. Midangte zawthawk vawtin nang kung pan lam ka pial uh hi. Ka ngaisutnate uh khial hi; ka thu son uhte leilot thu ahi hi.

Habakkuk 2:11

Luphung suangte ngawngawn in hong langpanin au a, zawlsaute zongh in tua aw thangko ma hong hawl kik hi.

Mi Simna 11:20

tha khat bup na zaknop ngawl liang uh dong, na nim uh dongin na ne tu uh hi. Banghang hi bang hi tu ziam na ci uh le hilai note sungah a om Topa na nial uh a, Egypt ngam pan pusuak bualeang ci in na phunsan uh hang hi,’ ci in son in” ci hi.

Matthew 10:33

Ahihang mihingte mai ah khat po in kei hong nial a ahile, vantung ka Pa mai ah kei zongh in ka nial tu hi.

Luke 19:40

Jesus in “A tatakin ka ci ciang, amate in a thim uh le, suangtumte mama in au tu in hong kipan tu hi,” ci hi.

Thuhil kikna 30:19

Tu in khat sasang na teal tu uh nuntakna le thina, Pathian ii thupha le Pathian ii haamsiatna kong pia a, na teal uh sia hong heakpui tu in vantung le leitung ka ko hi. Nuntakna teal vun.

Thuhil kikna 31:19

“Tu in, la hisia at in. Amate langpanna tetti ahi natu in la hisia Israel mihingte hil in.

Thuhil kikna 31:21

tuaciang, a lauhuai natna tuatuamte amate tungah tung tu hi. Ahizong hi la kisa lai tu a, tuasia in amate a kilangpanna tetti hi tu hi. Tu laitak amate piak tu in ka khapsa ngam ah ka tumpui ma ngawngawn in amate ngaisutna ka he hi,” ci hi.

Thuhil kikna 31:26

“Pathian ii Thukham hi thubu sia la vun a, ama mite langkhat ah tetti in tua munah a om top thei natu in Topa na Pathian ii Thuciamna Thingkuang hui ah koi vun.

Thuhil kikna 32:1

“Van le lei awng, ka kammalte za vun a, ka ci teng hong ngai cinten tavun.

Thuhil kikna 4:26

Ka thu nong ni bua uh ahile hi ngam pan a mangthang pal tu na hina thu note langkhat ah ka tetti tu in tuni in vantung le leitung ka ko hi. Ngam na laak natu Jordan ngalkhat ah khuangei na nungta buatu uh hi. Note hong kimon siat tu hi.

Titus 1:16

Amate in Pathian ka he uh ci ahihang, amate ngamtatnate taw kileebul hi. Amate sia ki etsatna taw kidim a, thu ni ngawl ahiciang a pha khat zongh seam tu in kiphu ngawl hi.

Joshua 22:34

Reuben le Gad mite in, “Topa sia Pathian hi ci in hi biaknatau in eite theampo atu tetti hi ci uh hi. Tua ahikom amate in a min sia “Tetti” a phuak uh hi.

Joshua 24:28

Tua zawkciang Joshua in mipite ciasak a, mi theampo in a neisa ngam le lei ah heak kik uh hi.

Thupualaakna 3:8

Note bang vawt ci sia kong he hi; vaangletna tawm nei hi ci in kong he hi; ka hilnate nong zui uh a, kei tungah nong thumaan uh hi. Na mai uh ah kuama ii kha thei ngawl kongkha khat ka hong zo hi.

1 Samuel 7:12

Tua zawkciang Samuel in suangtum khat la in Mizpah le Shen kilaklaw ah phut in, “Topa in lam tawntung hong hu hi” ci in a min sia “Huna Suangpi” (Ebenezer ) vaw hi.