Joshua 24:20 - Syin Chin Bible

²⁰ Tuaciang ngamdang pathiante ii na seam tu in ama na nusia uh le ama in note hong langpan tu a, daan hong pia tu hi. Nidangin no tungah hong dik hikale ama in note hong mon tu hi,” ci hi.

Joshua 24:20 Iomraidhean Croise

1 Khangtaanghthu 28:8

“Tua ahikom tu in ka mite awng, hi ngampha sia na nei tawntung thei natu le khang khat zawk khang khat a kizomin na nei suak thei natu, Topa ih Pathian ii thupiakte theampo pha takin na zui natu in ih Pathian mai le Topa ii mi, Israel mite theampo kikhopna ah thu kong pia hi,” ci hi.

1 Khangtaanghthu 28:9

Tua ciang Solomon tungah ama in, “Ka tapa awng, na pa ii Pathian sia thusim in a, lungkaa ngawlin uuk tatakna taw ama na seam in. Ama in ih thinsung tawngh le ih ngaisutna theampo he siat hi. Ama kung na zuan le ama in nang hong saang tu a; na taisan le a tawntungin nang hong nungngat tu hi.

2 Khangtaanghthu 15:2

tuaciang, Azariah sia Asa kumpipa taw kimu tu in pai hi. Ama in, “Asa kumpipa, no Judah mite le Benjamin mite awng, hong ngai tavun! Topa na bel uh laiteng ama in hong ompui tu hi. Ama na zong uh le ama hong musak tu a, ahizong na nungngat uh le ama in hong nusia tu hi.

Ezra 8:22

Ih khualhaw sungin ngalte khut sung pan hong keam tu in kumpilianpa tungah ngalkapte ka nget tu sia maizum naap khi hi, banghang ziam cile ama munah koma Pathian in ama a muang pawpo thupha pia a, ahizong ama a nungngat pawpo tungah lungkim ngawlin daan a piakna thu ka son zo hi.

Psalm Late 89:31

amate in ka hilnate a melsia a, ka thupiakte a len bua ahile,

Isaiah 1:28

Ahihang mawna a vawtte le ama a langpante theampo, ama in sucip tu a; ama a taisan peuma thatlum tu hi.

Isaiah 63:10

ahihang amate in Topa langpanin a thaa thiangtho khuangaisak hi. Tua hu in Topa sia amate ngal suakin amate do hi.

Jeremiah 17:13

Topa awng, nangma in Israel mite ii lam et pa na hi a; nang hong nusia mihingte theampo a mai uh kizumsak tu hi. Amate sia leivui sungah min ki at te bangin bomang tu uh hi, banghang ziam cile amate in ciktui thiangtho ahi Topa nangma, hong nusiat hang ahi hi.

Ezekiel 18:24

“Ahihang mihing thutang khat in, phatna a vawtte khealin, siatna theampo vawt tu hong kipan a, mi ngilote ii a thasiathuai ngamtatna te hong seam le a nungta tan lai tu ziam? Nungta ngawl tu hi! A pha a sepnate khat zongh kitepteesak ngawl tu hi. A thumaan ngawlna le a mawna khialnate hu in thi tu hi.

Sawltakte 7:42

Tua ahikom Pathian in amate nungngat in, kamsaangte laibu sungah, a om bangma in, van a aksite bia tu in thazau hi: ‘Israel mite awng! Kum sawmli tawntung sennealngam sungah, sa na ngo uh a, nganhing taw biakpiakna, na vawt uhte sia, kei tungah hong vawt na hi bua uh hi.

Thuhil kikna 4:25

“Tua ngam ah kum tam mama om in, tu le ta na nei uh ciang zong noma atu in bangbang milim khat pawpo vawtna taw na maw heak vun. Hisia in Topa muna ah a sia hi a, ama thin uuksak tu hi.

Thuhil kikna 4:26

Ka thu nong ni bua uh ahile hi ngam pan a mangthang pal tu na hina thu note langkhat ah ka tetti tu in tuni in vantung le leitung ka ko hi. Ngam na laak natu Jordan ngalkhat ah khuangei na nungta buatu uh hi. Note hong kimon siat tu hi.

Hebrew te 10:38

Bangpo ahizong a thutang ka mite in, um tu a nungta tu hi: ahihang amate khat po a heak kik le ama ii tungah ka lungkim ngawl tu hi,” ci hi.

Joshua 24:21

Mipite in Joshua munah, “Hi ngawl hi! Topa na seam tu khu hi,” ci uh hi.

1 Samuel 12:15

Ahihang Topa ii pau ngai ngawlin, a thupiakte na ni bua uh le ama in no le na kumpipa hong langpan tu hi.

1 Samuel 12:25

Ahihang mawna na vawvawt lai uh le no le na kumpipa uh hong kisusia tu hi.