Joshua 24:2 - Syin Chin Bible

² Joshua in mipite theampo tungah, “Topa Israel te ii Pathian ii a ci sia hi teng hi: ‘Khuangeipi hun lai in noma taanghpupite sia Euphrates ngun langkhat ah teang a, pathian dang bia uh hi. Tua taanghpupite sung pan khat sia Terah hi a, Abraham le Nahor ii pa ahi hi.

Joshua 24:2 Iomraidhean Croise

Pianciilna 11:22

Serug kum 30 a phak ciang, ama in Nahor kici tapa khat nei hi;

Pianciilna 11:24

Nahor kum 29 a phak ciang, ama in Terah kici tapa khat nei hi;

Pianciilna 11:26

Terah kum 70 a phak zawkciang, ama sia Abram, Nahor le Haran ii pa suak hi.

Pianciilna 11:27

Hite sia Terah ii suan le paalte hi a, Terah sia Abram, Nahor le Haran te ii pa ahi hi. Haran sia Lot ii pa hi a,

Pianciilna 31:19

Laban sia a tuute mul meet tu in pai a, ama om ngawl lanin Rachel in a pa ii neisa innkuan pathian milimte nguksak hi.

Pianciilna 31:30

Hi bang nong nusiat sia na inn na thet kik tu thintoi mama na hina kong he hi, ahizong ka innkuan pathian milimte banghang ngu nu ziam?” ci hi.

Pianciilna 31:32

Ahizong na pathian milimte hi sung khat pawpo tungah na mu le ama kithatlum tu hi. Hi lai ah ih mite sia ih tetti tu hi, zong in a, nangma neisa pawpo la in,” ci in zo hi. Laban ii pathian milimte Rachel nguk hunlam Jacob in he ngawl hi.

Pianciilna 31:53

Abraham ii Pathian le Nahor ii Pathian in eite kilaklaw ah thukhen tu hi,” ci lai hi. Tua zawkciang Jacob in a pa Isaac ii biak Pathian min taw hi kamciamna keamcing tu in ciliap huai takin kiciam hi.

Pianciilna 35:4

Tua ahiciang amate in a ngamdang pathian milim a nei theampo le a baa lai bilbaate zongh Jacob tungah pia uh hi. Jacob in Shechem khuahui oak thingkung sia nuai ah tua teng phum hi.

1 Khangtaanghthu 1:27

Abram (Abraham zongh kici) te hi.

Isaiah 51:2

Na taanghpupi Abraham le note pianna Sarah ngaisun vun. Abraham ka sap lai in, ama in ta sel hi, Ahihang keima in ama thupha ka pia a, tate ka pia hi; Ama ii suan le paalte ka pungsak hi.

Ezekiel 16:3

Vaanglianpipa Topa in Jerusalem tungah a ci teng son in: “Nang sia Canaan ngam ah piang ni hi. Na pa sia Amor mi hi a, na nu sia Hit mi ahi hi.

Luke 3:34

Jacob ii tapa Judah, Isaac ii tapa Jacob, Abraham ii tapa Isaac, Terah ii tapa Abraham, Nahor ii tapa Terah,

Thuhil kikna 26:5

Tuaciang Topa mai ah hi kammal teng a lot in son in: ‘Ka taanghpupi sia a vak kawkoai Aram mi hi a, a innkuanpuite Egypt ngam ah teang tu in a paipui pa hi. Amate tualai ah a pai lai in mihing tawm bek hi a, ahizong amate tam pha in a thahat minam suak hi.

Joshua 24:15

Ama na, na seam nuam bua uh le, tu ni in khensat vun, akua atu seam tu nu ziam, ih taanghpupite ii Mesopotamia ah a biak pathiante atu ziam maw, tu laitak na teenna leitang a nei Amor pathiante atu ziam? Ka innkuan puite le kei ka hi le Topa atu ka seam tu uh hi.”