Joshua 24:15 - Syin Chin Bible

¹⁵ Ama na, na seam nuam bua uh le, tu ni in khensat vun, akua atu seam tu nu ziam, ih taanghpupite ii Mesopotamia ah a biak pathiante atu ziam maw, tu laitak na teenna leitang a nei Amor pathiante atu ziam? Ka innkuan puite le kei ka hi le Topa atu ka seam tu uh hi.”

Joshua 24:15 Iomraidhean Croise

Pianciilna 18:19

A tapate le a suan a paalte tungah ka thu ni a, thumaan thutang a vawt natu, thu a piak natu in ama ka teal zo hi. Tuabang a vawt uh le ka kamciamsa bangin ama ta tu ka hisak siat tu hi,” ama le ama kici hi.

Pianciilna 35:2

Tua ahiciang Jacob in a innkuan puite le a ompui teng tungah, “Ngamdang pathian milim na nei te vawk vun a; noma le noma kithiansua in, puanthiang silh vun.

1 Kumpite 18:21

Elijah in mite kungah paito in, “Na thin uh na khensat natu in bang tanvei hai lai tu nu ziam? Topa sia Pathian ahile ama bia vun; ahihang Baal sia Pathian ahile bia vun!” ci hi. Ahihang mite in kam khat zongh pau ngawl uh hi.

1 Khangtaanghthu 1:14

Canaan sia Jebus te, Amor te, Girgash te,

Psalm Late 101:2

Ka ngamtatna sia sitbaang ngawl tu hi. Bang hun ciang kei kungah hong pai tu ni ziam? Ka inn sungah nuntakna thiangtho taw ka nungta tu a,

Psalm Late 119:106

Na lamlakna maante zui natu in, a ciliaphuai ka kamciam sia ka len tu hi.

Pusuana 23:2

Mihing a tamzawte ii khialna a vawt ciang le thutang khenna pan lam a pialsak tetti a pan ciang amate zui heak vun.

Pusuana 23:24

Amate ii pathiante mai ah kunin bia heak vun, amate ii biakna ziate zui heak vun. A pathiante suksiat sakin a suangkhuam thiangthote sutham vun.

Pusuana 34:15

Tua ngammite taw thukimna khote bangma vawt heak vun, banghang ziam cile doai biate ii pathiante tungah sangaw biakpiakna a nei ciang, pathian biakpiakna an ne tu in hong sam tu a, note hong ze et tu hi.

Ezekiel 20:39

Vaanglianpipa Topa in, “Tu in no Israel mite awng, noma lungkim babangin om vun! Na milimte ma bia tan tavun. Ahihang kidawm tavun a, hisia zawkciang ka thu nong nit uh kul tu a, na milim biakpiaknate taw ka min thiangtho na daisak uh kheal tu nu hi.

Daniel 3:18

Ahizong hong hun buahial zong Nangma Kumpipa awng, na pathian ka bia tuan buatu uh a, na phu sa khamh milim mai ah ka kun buatu uh hi, cisia hong heaksak ta'n” ci in zo uh hi.

Thiampite 14:42

Tuaciang tua suangte a kilaakna munah suang dangte koi kik tu a, a zutna thak taw zut kik tu hi.

Micah 4:5

Minam simin amate tek ii pathian bia in a thu ni hi, ahihang eite in Topa, ih Pathian a tawntung, a tawntungin ih bia tu a, a thu ih ni tu hi.

Sawltakte 11:23

Ama a thet ciang, Pathian ii a mite thupha a piakzia mu ahikom ama lungdam a, Pathian tungah thin tak lung tak taw a thumaan natu in, amate theampo hanthawn hi.

Thuhil kikna 13:7

Amate khat pawpo in na nai a teang mite ii pathiante ahibuale a khualana ah a teang mite pathiante bia tu in hong hanthawn thei tu hi.

Thuhil kikna 29:18

Tuni in hi lai ah a ding, pa, numei, innkuan ahibuale minamte, kuama in Topa ih Pathian nungngat in minam dangte ii pathiante bia peuma heak vun. Hisia in a khaa le ngu a nei thingkung a hinna a zung khat taw kibang tu hi.

Joshua 24:16

Mipi te in “ko Topa nusia in pathian dangte na seam ngeingawl tu khu hi!

Thukhente 6:10

Keima in Topa na Pathian khi hi, tuaciang tu in amate ngam ah na teen uh laitakin Amor te ii pathiante na bia buatu uh hi, kong ci hi. Ahihang kei nong nadon bua uh hi.”